الجمعة، 29 سبتمبر 2023 - 12:03 م

كشفت الفنانة نيللي كريم أنها ستقدم عملا كوميديا في رمضان 2024.

وأضافت في لقائها مع الإعلامية إنجي علي في برنامج "أسرار النجوم" على إذاعة "نجوم إف إم": من وقت مسلسل 100 وش، كنت عايزة أقدم حاجة كوميدي، فكنت عايزة أعمل حاجة دمها خفيف لذيذة، حبيت أغير وكنت عايزة أكمل في الكوميدي من بعد 100 وش.

وقالت نيللي كريم: أنا بروح للشخصية طالما أعملها لازم أكون مخلصة لها، بمحي نيللي كريم خالص، لأني لو فضلت أدور على نيللي كريم في الشخصية اللي بقدمها مش هيركبوا على بعض، لكن أنا في التمثيل محبش أدخل نيللي كريم في الشخصية".

وتابعت: "هعمل شخصية كوميدية اسمها فراولة، وهقدم مسلسل كوميدي 15 حلقة السنة دي ومشكلتنا في المسلسلات إنها بتبقى 30 حلقة، وبيبقوا مش مكتوبين بشكل كامل، فالشغل لو 30 حلقة جاهزين هيبقى بكواليتي جيد".

يذكر أن نيللي كريم قدمت في موسم رمضان 2023 مسلسل "عملة نادرة" شارك في بطولته كل من جمال سليمان، جومانا مراد، أحمد عيد، كمال أبو رية، فريدة سيف النصر، ندا موسى، محمد لطفى، على الطيب، مريم الخشت، هشام عاشور، نهى صالح، ومحمد فهيم، رمزى العدل، وئام مجدي، تأليف مدحت العدل وإخراج ماندو العدل وإنتاج جمال العدل.