الإثنين، 09 أكتوبر 2023 - 12:37 م

كشف النجم كريم عبد العزيز، عن كواليس فترة مرضه، وذلك خلال إستضافته في برنامج sold out المذاع على منصة watch it مع الإعلامي محمود سعد.

وقال كريم عبد العزيز، خلال اللقاء، "أنا عامل لوالدتي تأمين صحي وكنت مسافر في إنجلترا وكانت والدتي تعبانة وهتعمل عملية، فجأة لقيت آلام غير طبيعية في صدري افتكرته برد ودهنت "فيكس وأبو فاس" وبعدها عملت أشعة ومشيت، فوجئت تاني يوم برسايل بيطلبوا أني أروح للمستشفى فورا وأنا مش حاسس بحاجة، وصلت لقيت ناس واقفة مستنياني وبيسألوا إزاي واقف على رجلي، وقتها كان عندي 36 سنة دخلت الأوضة مع الدكتورة وقالتلي أنا أسفة لكن دا الطب ولازم أقولك "You will die" إنت هتموت".

وأضاف كريم عبد العزيز، "لأول وهلة قعدت أقول هو في die جديدة في الإنجليزي كان عندي 9 جلطات في الرئة، كنت عايز أهرب من المستشفى وطلبت منها إني أروح أشوف ولادي، قعدت في المستشفى 4 أيام في العناية المركزة وكل الأفكار الغريبة كانت في بالي كل اللي بفكر فيه أولادي".

ومن ناحية أخرى يواصل كريم عبد العزيز تصوير مسلسله الجديد "الحشاشين" والمقرر عرضه في موسم رمضان 2024، تأليف عبد الرحيم كمال وإخراج بيتر ميمى.

اقرا امزيد.. في عيد ميلاد رانيا فريد شوقي.. أعمال صنعت نجومية ابنة وحش الشاشة