الإثنين، 16 أكتوبر 2023 - 03:48 ص

أكدت الفنانة إيمي سمير غانم، أنها ستعود لنشاطها الفني من جديد بعد فترة غياب تزيد على عامين، منذ رحيل والديها الفنان سمير غانم، والفنانة دلال عبد العزيز، وذلك خلال استضافتها في برنامج "كلام نواعم" عبر شاشة MBC.

وقالت إيمي سمير غانم: أنا مبفهمش في حاجة تانية غير التمثيل، فضلت سنتين في حالة صمت بعد وفاة والدي، وبابا وماما كانوا بيحبوا إننا نحب نشتغل ودنيا بدأت الحمد لله، وأنا إن شاء الله هشتغل قريب بس نطمن على أحوال البلاد.

وكشفت إيمي سمير غانم، عن المرة الأولى التي شعرت فيها بشهرتها، قائلة: أول مرة أحس إني مشهورة بعد مسلسل هبة رجل الغراب، وأنا ساعات ببقى نكدية مش طول الوقت فرفوشة، أنا كوابيسي كتير.

وتابعت حديثها قائلة: نفسي أكون الهادية والراكزة حاولت بس معرفتش، وجوزي غيري تماما وشايف إني عجوزة وأنا صغيرة.. ومع الأحداث بتاعة غزة بمسك التليفون وببقى مش عارفة أتنفس ومش بنزل ومش عايزة اتحرك وهو بيقولي افصلي ومش لازم تعيشي التفاصيل كده.

اقرأ أيضا | دنيا سمير غانم: إيمي عصبية ومش بتعرف تبطخ.. وأنا شخصيتي تشبة والدتي