الجمعة، 20 أكتوبر 2023 - 04:16 م

حرصت الفنان حنان مطاوع علي التضامن مع الشعب الفلسطيني ودعم القضية الفلسطينية، مضيفة أن سيناء أرض مصرية، وذلك عبر صفحتها الشخصية موقع تبادل الصور والفيديوهات "إنستجرام".

ونشرت حنان مطاوع مقطع فيديو لها عبر صفحتها الشخصية تتحدث من خلاله قائلة: "اللي بيحصل في أهالينا وأطفالنا في غزة المصاب جلل وبره حدود الإنسانية والرحمة".

وتابعت حديثها: "ساعتها هتسألني طب كلام زي ده او وقفة ممكن تغير أي حاجة هقولك اه لأن العدو مش بس بيحاول يبيد شعب لن يباد أبدا بأمر الله وبإرادته الحرة الباسلة القوية لأ ده كمان ابتدا يقرب على حدودنا أبتدا يتكلم عن سيناء تاني رجعنا نتكلم عن سيناء".

واضافت: "سيناء مش حل مطروح مجرد أرض مصرية، سيناء دفعنا فيها ألاف الشهداء عشان تنال حريتنا ومستعدين ندفع أكتر كمان، سيناء الحلم التاريخي المجنون للعدو عشان كده احنا محتاجين كلنا أننا نتضامن ونظهر للعالم كله أننا رافضين الأفعال الوحشية اللي بتقوم بيها إسرائيل في فلسطين الحبيبة الباسلة وكمان عشان نقولهم إن أحنا اختارنا الكرامة الكاملة على أرضينا".