الإثنين، 30 أكتوبر 2023 - 03:08 ص

دخلت الإعلامية منى عبد الغني في نوبة بكاء هستيري على الهواء خلال تقديمها برنامجها الستات مايعرفوش يكدبوا، بسبب تفاقم القضية الفلسطينية وما يحدث لأهل وأطفال غزة من قصف وعنف مستمر على يد الإحتلال الصهيوني.

وقالت منى عبد الغني: أنا النهاردة عندي رسالة مش بتوصف حالي بس لكن رسالتي بتعبر عن ناس بنشوفها بقالنا كذا يوم بتتألم، بأي ذنب طفل عنده شهور يتكفن بالكفن وأطفال مجروحة جروح إحنا منقدرش نستحملها.

وأضافت منى عبد الغني ، قائلة: بنشوف كل يوم فيديوهات لأمهات بتودع أطفالها بكل ثبات ويقين وهي صابرة ومنقدرش نقول غير حسبي الله ونعم الوكيل، وبشوف صور الأطفال دي وبتخيل أحفادي

وقالت منى عبد الغني عن الشعب الفلسطيني: الشعب ده قوي ومؤمن وده تصديقا لقول الله وإحنا بنموت مع كل صورة من دول وكل فيديو بشوفه ببقى عايزة أخد الأطفال دي في حضني واطبطب عليهم.. طفل رضيع المفروض ميكنش بيعمل حاجة في حياته غير أنه بيلعب الطفل ده كل ذنبه أنه اتولد في دولة محتلة معندهاش لا رحمة ولا دين.

اقرأ أيضا | على الهواء.. منى عبد الغني تدخل في نوبة بكاء بسبب مجازر غزة | فيديو