السبت، 04 نوفمبر 2023 - 05:02 ص

تحدث السيناريست مدحت العدل عن أعماله الفترة المقبلة ومنهم مسلسل للنجم القدير يحيى الفخراني بدراما رمضان 2024.

وقال مدحت العدل في في مداخلة هاتفية مع الإعلامي عبد العزيز أحمد في برنامج "مساء الإمارات" : "بعمل مسلسل للفنان الكبير يحيى الفخراني في رمضان 15 حلقة متاخد من رواية الأستاذ الكبير إبراهيم عبد المجيد "عتبات البهجة" دا اللي بعمله دلوقتي".

وتحدث أيضاً عن مسلسل الفنانة شريهان وقال: "بندور ليها على حاجة تليق بيها، شريهان علشان ترجع بتاخد تحضيرات كتير في مشروع في الأفق لكن تكلفته كبيرة ومحتاج تحضير كبير فمش هيبقى في القريب العاجل".

كما تحدث مدحت العدل عن فكرة وجود يسرا في رمضان 2024 وقال: "يسرا اعتقد السنة دي أنها عايزة ترتاح رغم أني متأكد أن الجمهور بيحب يشوفها".

وخلال اللقاء كشف مدحت العدل عن رأيه في فكرة إلغاء المهرجانات الفنية بسبب أحداث غزة: "أنا ضد تماما إلغاء أي تظاهرة فنية أنا ضد هذه الإلغاءات تماما الحياة تستمر والمهرجانات تتعمل، العالم كله يحترم الفن جدا أكتر مننا بكتير الناس هنا بتعتبر الفن لو عملته يبقى إنت مش مهتم بالقضية لأ ليه معملش مهرجان وأطلع أتكلم عن القضية".

اقرأ أيضا | مدحت العدل: أتعاون مع يحيى الفخراني في رمضان 2024.. وهذا مصير مسلسل شريهان