السبت، 25 نوفمبر 2023 - 07:14 م

قال طارق الشناوي، الناقد الفني، إن الفنان أحمد مكي استطاع جمع شمل بيومي فؤاد ومحمد سلام في مسلسل «الكبير أوي»، وستكون فرصة لن تعوض مرة أخرى.

وأوضح طارق الشناوي، خلال حواره ببرنامج «حبر سري»، مع الإعلامية أسما إبراهيم، على قناة القاهرة والناس، أن الخلاف بين بيومي فؤاد ومحمد سلام ليس مشكلة دموية أو ثأر وكل منهما قال وجهة نظره فقط، مضيفا: «سلام قال ميروحش يعرض عرض مسرحي ودي قناعته وأنا أختلف معاه، وبالنسبة لبيومي فؤاد ويمثل 99% من الفنانين شايف ده شغل ومفهوش أي حاجة».

وأضاف: «فرصة العمر لمكي يشتغل مع الاثنين، والاثنين موهوبين جدا، وبعد الزوبعة الأخيرة وجودهم مع مكي ولو حضر كمان أشرف زكي في المسلسل كنقيب هيكون مهم لكل الأطراف».

وتابع الشناوي: «لا أدين موقف سلام وهو اختار موقفا ولكن الباقيين اختاروا موقفًا آخر، ولا تجب إدانتهم، والفن يقدم في كل الأحوال وأنا ضد فكرة توقيف الدنيا في كل حاجة».

كشف الناقد طارق الشناوى عن رأيه في تصريحات الفنان بيومى فؤاد الأخيرة.

وأضاف في لقائه مع برنامج حبر سرى على قناة القاهرة والناس: «اللحظة اللى إحنا فيها ساعات بتخلى الكلمة اللى ممكن في وقت تبقى عادية تصبح غير عادية، فكلامه كان ممكن يعدى».