الأحد، 26 نوفمبر 2023 - 05:45 م

وجه النجم تامر حسنى رسالة لجمهوره عبر صفحته الشخصية بموقع التواصل الاجتماعى إنستجرام.

وقال تامر حسني خلال الرسالة: "فجر الرزق والستر والشفاء والعافية للجميع، خطر في بالي شيء مهم يمكن الكل يعرفه بس أحيانًا نحب نقوي بعض بيه فأنا هكتبه لكل شخص مش لاقي سبب للي هو فيه أو حد تعبان".

وأضاف: "مفيش دكتور عارف يريحه أو حد بيطلب حاجة من ربنا ومبتحصلش، لو دايمًا بتدور على أسباب منطقية ومش لاقي، أوعى تفهم غلط وتحس إن الأبواب مقفوله في وشك من باب النحس أو حظك وحش، لا أفهم أن كل قدر كتبه لك ربنا له حكمة قد لا تفهمها او تستوعبها حالاً بس هتعرف قدام هي حصلت ليه" .

اقرأ أيضاً | بعد خروجه من الاكتئاب.. تعرف على نوع ساعة تامر حسني في عقد قران أحمد ثروت

واختتم تامر حسني رسالته: "والمهم اللي عايز أقوله هلخصه في جملة "إذا عجزت الأسباب فأذهب للمُسبب" إذهب لرب الأسباب اتكلم معاه جايز عايز يسمع صوتك".

يذكر أن تامر حسنى شارك أمس السبت  فى إحياء حفل عقد قران أحمد محمد ثروت نجل الفنان محمد ثروت، كما قام بتقديم العزاء للفنان شريف رمزى فى شقيقه الراحل صلاح رمزى الذى وافتة المنية يوم الأربعاء الماضى. 

وكان آخر أعمال تامر حسنى الفنية، فيلم "تاج" بطولة تامر حسنى، دينا الشربينى، عمرو عبد الجليل، ساندى، هالة فاخر، محمد أبو داود، إسراء أحمد، محمد الجوهرى، أحمد على، سمر متولى، احسان الترك وعدد آخر من الفنانين، وضيف الشرف أحمد بدير وقصة وسيناريو وحوار تامر حسنى وإخراج سارة وفيق.