الأربعاء، 27 ديسمبر 2023 - 01:34 م

حل الفنان سامح الصريطي وزوجته المطربة حنان، ضيوفًا على برنامج "صاحبة السعادة" الذي تقدمه الإعلامية إسعاد يونس.

بوابة أخبار اليوم تستعرض معكم في هذا التقرير أبرز تصريحات سامح الصريطي وزوجته خلال اللقاء:

أبرز تصريحات سامح الصريطي

ـ لما زرت حنان في بيتها مكنتش راسم على جواز.

ـ أخدت معايا بقدونس كإشارة على الاهتمام لأنها بتحبه.

ـ بدأت أكلم حنان كأني مقلتلهاش حاجة لكن حسيت من إجاباتها بموافقتها على الزواج.

ـ حنان قالت لي إنها موافقة لكن عندها شرط واحد إن أولادها وأولادي يوافقوا.

ـ أول ما قلت لابنتي ابتهال على فكرة ارتباطي بـ حنان فرحت فرحة شديدة.

ـ كنت معجب بحنان من أول لحظة شفتها فيها.

ـ من يوم ما شفت حنان وأنا شايفها ملفتة ومحترمة ومحافظة على شكلها وسلوكياتها هادئة وجذابة ودا اللي شدني ليها.

تصريحات المطربة حنان

ـ أعرف سامح الصريطي من 4 سنين ونص، شوفته مرة في ندوة جنب بيتي واتكلمنا بعدها.

ـ بدأت صداقتنا وكنا بنتكلم مرة كل شهرين، كنت بحترمه كممثل وبني آدم.

ـ كان دايمًا بيعزمني على ندوات وقعدات ثقافية في بيته، كما أني كنت أحكي من وقت لأخر عن حاجة مضيقاني.

ـ عجبتني دماغ سامح والتقينا في حاجات كتير مع بعض، ومع الوقت بقينا نتكلم أكتر.

ـ سامح جه في مرة قالي تعرفي إنك وحشتيني.. فقلت له متشوفش وحش.

ـ عزمته عندي ولما جه لقيته جايب حزمتين بقدونس.. قالي مش ده اللي انتي بتحبيه أنا جبتهولك.

ـ سامح قالي بعد ما أتغدينا مش فاضل غير إننا نتجوز، افتكرته بيهزر قالي أنا بتكلم جد.