الخميس، 11 يناير 2024 - 10:36 م

شاركت الفنانة غادة عبد الرازق، جمهورها ومتابعيها، تفاصيل أحدث أعمالها الفنية وعلاقتها بابنتها روتانا، من خلال استضافتها عبر برنامج الراديو بيضحك.

وقالت غادة عبد الرازق: "أنا بحب بنتي روتانا جداً وهي أهم نعمة في حياتي كلها، وبحمد ربنا عليها طول الوقت، لكن مش ها أكذب أنا كان نفسي في ولد، وكانت أمنية كبيرة عندي".

وأضافت غادة عبد الرازق: "عندي ابن اختي بمثابة ابني بالظبط، ولو جاله دور برد بتجنن عليه وبخاف جدًا".

وكشفت غادة عبد الرازق عن تفاصيل أحدث أعمالها الفنية من خلال مسلسل صيد العقارب، حيث قالت: "إن عمل مختلف واكتشفت إن مؤلفه دكتور باهر دويدار كتبه من 10 سنين بالظبط، لما اتكلمنا وقلتله عايزين نعمل حاجة اجتماعية زي مسلسلات زمان أرابيسك وليالى الحلمية اللى المجتمع بيحب يتفرج عليها وبتكون اجتماعية فحكالي الفكرة".

وتابعت :"لما بقعد أسرح في وشوش زملائي الفنانين اللي معايا في صيد العقارب بفرح جدًا، وأقول إيه الحلاوة دي كلهم ممثلين عظماء وكبار مركزين علشان نعمل حاجة كويسة فقط".

مسلسل "صيد العقارب" من تأليف باهر دويدار، وإخراج أحمد حسن، بطولة رياض الخولي وسيمون ومحمد علاء وأحمد ماهر، مجدى بدر، ساميه عاطف، ميار الغيطي، عماد صفوت، أحمد ماجد، أحمد جمال سعيد، محمد على رزق، عزوز عادل، منال سلامة، صفاء جلال، مى القاضي، سيف الديربى، محمد صلاح، ونخبه من النجوم، ومن إخراج أحمد حسن.