الأحد، 04 فبراير 2024 - 06:50 م

وجهت الإعلامية عزة مصطفى، رسالة قوية إلى التجار الذين تسببوا في أزمة ارتفاع أسعار المنتجات والسلع الغذائية وغيرها من الداوجن واللحوم والبيض، قائلة: هو لازم يعني كل تاجر يقف على دماغه رقيب علشان يلتزم وميستغلش الناس وميخزنش البضاعة.

وقالت الإعلامية عزة مصطفى خلال تقديمها برنامج «صالة التحرير» المذاع على قناة صدى البلد،إن سعر الدولار شهد تراجعًا خلال الأيام الماضية بنحو 15 جنيهًا في السوق السوداء مقارنة بسعره الرسمي داخل البنك المركزي المصري، ورغم ذلك فالتجار مستمرون في رفع الأسعار، معلقةً: «التجار بيرفعوا الأسعار كل ساعة مش كل يوم».

وأردفت: الدولار نزل النهاردة 15 جنيه في السوق السوداء، والأسعار مكملة في الزيادة، وكيلو اللحمة تجاوز الـ 420 جنيه وكيلو الفراخ وصل 110 جنيهات، والأرز النهاردة وصل إلى 40 جنيه، والكمون يُباع في الأسواق حاليًا بـ 500 جنيه.
وتابعت: أنا عارفة إنه محدش بيشتري كيلو كمون، ولكن مش لدرجة أن يصل سعر الكيلو إلى 500 جنيه.. ليه التجار لما الدولار بينزل مبنزلوش الأسعار.

وعن أزمة ارتفاع سعر رغيف الخبز، علقت الإعلامية عزة مصطفى: المواطن ييجي يشتري العيش الصبح يلاقيه بحجم معين وبالليل بحجم تاني خالص، وده بسبب تشديد الرقابة من وزارة التموين على المخابز صباحًا، لافتًا: «مش لازم يعني كل تاجر يقف على دماغه رقيب علشان يلتزم وميستغلش الناس وميخزنش البضاعة».