الجمعة، 09 فبراير 2024 - 03:23 م

حلت الفنانة زينة ضيفة في برنامج "الراديو بيضحك" المذاع على محطة راديو 9090 الذي تقدمه الاعلامية فاطمة مصطفي. 

وقالت زينة خلال لقائها:" بصرف على اللبس كل فلوسي، وولادي طالعين ليا أول حاجة بيقولوها أما بيصحوا يلا ننزل نعمل شوبنج، وهما متطورين عني لأنهم جيل تاني وفي مستوى معيشة تاني فسقف طموحاتهم مكسور بيطلع فوق".

وتابعت عن تجربتها في فيلم الإسكندراني:" التجربة كلها كانت لذيذة، وكنت مبسوطة أوي بالشغل مع بيومي فؤاد لأني بحبه، وكل الموجودين في الفيلم ناس لطيفة ودماغهم في الشغل، وأنا أما اشتغل مع مخرج كويس أوي مقدرش أحكم على زميلي لأنهم أكيد هيطلعوا كويسين واختيار المخرج هو الأساس في كل حاجة، وأنا مبسوطة جدا بالتعاون مع كل زمايلي في الفيلم".

وفي سياق آخر يعرض للفنانة زينة حاليًا في دور العرض السينمائي فيلم الإسكندراني وحقق الفيلم نجاح جماهيري وفني كبير وتفاعل معه الجمهور منذ عرضه في دور العرض السينمائي 

وشارك في بطولة الفيلم كلا من: أحمد العوضي، زينة، بيومي فؤاد، تسنيم مطر، حسين فهمي، رحاب الجمل، محمود حافظ، وغيرهم، والعمل من إخراج خالد يوسف.