السبت، 24 فبراير 2024 - 11:08 م

دافع رجل الأعمال المهندس نجيب ساويرس، عن محمد صلاح نجم منتخب مصر ونادي ليفربول الإنجليزي، بعد حملة الهجوم عليه مؤخرا ومزاعم ادعائه الإصابة.

وقال خلال مداخلة هاتفية ببرنامج «حضرة المواطن» المذاع علي بقناة «الحدث اليوم»، إنني أعرف محمد صلاح شخصيا، وكان بيلعب في نادي روما لما أنا كنت عندي شركة في إيطاليا وكنت بحط إعلان عنها على تي شيرتات فريقه علشانه، الولد ده وطني من الدرجة الأولى بس يحلوا عنه ويبطلوا يبهدلوا فيه، زي لما حطوا صورته على مصر للطيران من غير ما ياخدوا إذنه وهو موقع عقود مع ناس ومينفعش يعملوا كده وقعدوا يهاجموه علشان مش راضي بالفوضى اللي عملوها، أنا كمان بيحصلي كده بس ولا بلتفت وبنبسط أوي إن فيه ناس متغاظة وأنا برد على اللي بيشتم واللي بيشتم بعمله بلوك".

وعلق ساويرس علي اختيار حسام حسن وشقيقه إبراهيم لقيادة منتخب مصر، قائلاً: "مع احترامي ليهم وأنا بحبهم أوي وشخصيتهم وطريقتهم، بس أنا مش مع قرار اختيارهم لتولي القيادة الفنية، بس المنظومة الكروية أصلا بايظة بقالها 20 أو 30 سنة وتدخلات الدولة كمان وده المفترض يبقى موضوع شعبي وشبابي بس، ومش هتتصلح بالشكل ده، مش قصة مدرب بس".