الأحد، 25 فبراير 2024 - 07:04 م

تعاقد الفنان تامر حسني على بطولة فيلم جديد يحمل إسم " ري ستارت"، من تأليف أيمن بهجت قمر، ويشاركه في البطولة الفنانة هنا الزاهد.

وكشف السوبر ستار تامر حسني، تفاصيل العمل من خلال نشر صورة جديدة له وذلك عبر حسابه الرسمي إنستجرام .

وظهر في الصورة كلاً من : تامر حسني ، والمؤلف ايمن بهجت قمر، والمخرجة سارة وفيق، يتعاقدان على فيلم جديد يحمل أسم .. «ري ستارت» بطولة النجمة هنا الزاهد.

علق تامر حسني عبر حسابه الرسمي قائلأ" توكلنا على الله بدأنا تحضير فيلمي القادم ان شاء الله بعنوان «ري ستارت»، بطولة النجمة الجميلة هنا الزاهد، و لسه مكملين ترشيحات.. الفيلم من تأليف أيمن بهجت قمر وإخراج سارة وفيق

 

 

 

 

 

عرض هذا المنشور على Instagram

 

 

 

 

 

 

 

 

 

 

 

‏‎تمت مشاركة منشور بواسطة ‏‎Tamer Hosny‎‏ (@‏‎tamerhosny‎‏)‎‏

اقرأ أيضاً| بعد إعلان زواجه.. من هو الفنان رامي وحيد؟


من جانبها ردت الفنانة هنا الزاهد على بوست الفنان تامر حسني، تعليقًا على مشاركتها معه في بطولة الفيلم، قائلة " يا تامر مبسوطة اوي ان هنتقابل تاني في فيلم ري ستارت بعد في فيلم بحبك اللي حقق اكبر نجاح في الوطن العربي لحد انهاردة ماشاء الله يارب يكرمنا في الفيلم ده و نعمل حاجة احلى كمان. تستاهل كل النجاح اللي انت فيه بجد:.


جدير بالذكر كان قد وجه الفنان تامر حسني، رسالة لجمهوره بشأن ليلة النصف من شعبان، طالبا منهم الدعاء له، وكتب تامر، عبر حسابه على فيسبوك: "صباح الخير على أغلى الناس.. معلش بعد إذنكم اقرأوا كلامي للآخر (نص شهر شعبان) من النهاردة لبكرة أعمالنا بتترفع لربنا يعني كلنا نلحق نستغفر ونطلب من ربنا يسامحنا".

وتابع: "محدش يتخيل إنه عمل أخطاء كتير فـ مالوش عين يطلب.. لا لا لا مهما عملت أطلب حالا ويا ريت لو نصوم بكرة أنا هعمل كدة.. أي حد عنده شغل يا ريت يفضي شوية وقت عشان يستغفر ويدعي كتير بقدر الإمكان، اليوم ده ليه سحر وأنا جربته كتير قبل كدة وهتحسوا في قلوبكم أن فيه حاجة اتشالت من عليكم وبقيتوا مبسوطين أكتر، أدعوا بكل اللي تتمنوه أوي أوي".

واستكمل: "فرصة لأي حد عمل ذنب كبير غصب عنه أو قاصد بس ندمان، فرصة إن ربنا يسامحه دلوقتي بس نفتكره ونطلب منه، يلا يا جماعة من دلوقتي لبكرة اعتبروا أن ده يوم بسنة كاملة وجايز بكرم ربنا يبقى يوم بحياتك كلها اجتهدوا فيه أوي من صلاة، من تصدق، من ذكر، من دعاء، من صلة رحم، اليوم ده تقدر من خلاله تبدأ صفحة جديدة مع نفسك ومع ربنا، أوعى تحس أنك بعيد ومتسمعش كلام أي حد يقولك يا عم انت بتعمل وبتعمل قوله ملكش دعوة، ليا ربنا هيحاسبني مش انت".

وأضاف: "نخلي عندنا يقين مش عادي، ركزوا على كلمة يقين مش عادي إن ربنا سامعنا وهيستجيب لنا وهيحققلنا اللي بنتمناه واللي هيكون صالح لينا وهيسامحنا.. عشان تفرق كتير أوي لو بتدعي وعندك يقين أو معندكش بتفرق كتير أوي صدقوني، ومتنسوش تدعولي معاكم بعد أذنكم محتاج دعواتكم جدا".

يذكر أن، تامر حسني طرح مؤخرا عدد من أغاني ألبومه "هرمون السعادة" منها أغنية "موضوع رجوعنا" كلمات تامر حسين، ألحان مدين، توزيع وسام عبد المنعم.

كما طرح "تامر" أغنية "موحشتكيش" وشاركته كموديل بالأغنية الفنانة الشابة ثراء جبيل، إلى جانب أغنية "معلش" في تعاونه الأول مع مطرب الراب زاب ثروت.