الأربعاء، 13 مارس 2024 - 06:42 م

رد الفنان تامر حسني على كل الانتقادات التي وجهت له بسبب مشاركته في الإعلان عن منتج تابع لحملة المقاطعة.

وكتب تامر حسني  عبر حسابه الشخصي على موقع التواصل الاجتماعي فيسبوك: "مساء الخير عليكم.. بقالي يومين بتابع اللي بيحصل واحتراماً للجميع.. أنا بوضح حاجه بخصوص إعلان شيبسي الأخير، اولاً أنا  على قوة الشركة من سنتين قبل أي أحداث وده مش أول إعلان ده ثالث إعلان في عقدي، معلش احياناً الكلام عند بعض الناس  بيبقى سهل وتحديداً لما بيكون بدون علم بالعقود وبحيثيات الموضوع كله".

وتابع تامر حسني: ثانياً أنا مضيت على عقد مكتوب فيه أن شيبسي  شركة مصرية ولها سجل تجاري ضريبي مصري منفصل والبند قدامكم اهوه لصدق كلامي.. ثالثاً والأهم لأي حد بيشكك في انتمائي للقضية الفلسطينية هقوله أنا من ٢٠ سنة وأنا في ضهر القضية ومش كلام وأغاني بس لاااااا.. أنا روحت بنفسي معبر رفح أثناء الضرب لمساندة أهالينا هناك بأكبر حملة    معتقدش في حد هيخاطر بحياته ويروح بنفسه معبر رفح أثناء الضرب مجاملة مثلاً.

واختتم تامر حسني منشوره قائلا: اخيراً أنا لما قررت أكون الوجه الإعلاني لشيبسى من سنتين لانه منتج مصري كل المصريين بيحبوه  و البطاطس من الفلاحه المصريه و بيتباع في مصر بس و اتربينا عليه و الاهم ان الشخص البسيط يقدر يشتريه في  ظل ظروفنا الاقتصاديه و اظن ده واضح في الاعلان  .. ده كان شعوري الشخصي اتجاه الحمله وانا بمضيها من سنتين  عشان كده كان واجب عليا التوضيح للجميع و للّي مش واصلاله الصوره بكل احترام".

ووجه رسالة شكر قائلا:"و شكرًا لكل اللي ردوا عني  و هما مغمضين حقيقي انتوا نعمه كبيره من ربنا  الف شكر ورمضان كريم على الجميع".

وكان تامر حسني تعرض لإنتقادات لاذعة بشأن إعلانه لإحدى الشركات التجارية وذاك بسبب المقاطعة وأحداث غزة، وخسر مقابل ذلك مليون متابع.