الأربعاء، 20 مارس 2024 - 01:56 م

(صوت المذيع ••صدى الزمن 
بعد ظهر السبت 10رمضان 1393–6اكتوبر 1973)
الثالثة عصرا -50 دقيقة بعد بدأ عبور القناة 
وخلفية نشيد بسم الله الله اكبر •وأدينا عدينا •بسم الله)
••
(أصوات أندفاع خراطيم مياه قويه 
مع حركة وأوامر وضجيج وقذائف )
ضابط :انت مش من سلاح المهندسين!!
جندى: أيوه با أفندم ••انا من مجموعة 
قائد كتيبة المدرعات وأستاذنته أساعد معاكم 
على ما تخلصوا ونعدى
ضابط :طب أقلع بيادتك
جندى: ليه يا افندم
ضابط :بص حواليك وانت تفهم
جندى: اه صحيح كلكم حافيين 
حتى سيادة العميد فتح الباب
ضابط -روبة الطين والمياه تجهد ركبك وتزحلقك 
ما حدش فاضى يجيبك من القناة لو غرقت
جندى :حاضر يا افندم
(فاصل ضجيج وأصوات اوامر 
- وجه مدفع المياه من فوق لتحت ياخذ الطين للقناة ••يلا نسابق الزمن ••زمايلكم بدون  مدرعات فى الشرق 
- ضجيج 
- أيوه كده – حاسب لياخدك التيار - بسرعه يمين - المكن الالمانى قوى وأخف من الروسى 
ما هو يا دوبك واصل وبخيره )
ضابط :الله يبارك له اللى جاب الفكرة دى 
من السد العالى
جندى :أيوه نشيل جبل بالميه وما حدش متوقع
••
( صوت اقتراب سيارة )
العميد فتح الباب :
قرب من بابا العمارة يا جندى
-جندى :حاضر يا افندم انا فاهم ما أنا بأعملها كل يوم 
من يوم تدريبات ترعة الاسماعيلية
ضيف  يسال بواب العمارة :
مين اللى ذى العفريت ده
البواب :ده العميد فتح الباب
الزائر :وماله كده حافى وشايل بيادته 
وكله متغطى بالطين  
البواب :والله ما اعرف له مده يرجع كل يوم بالشكل ده وده حاجه غير خروجه الصبح أخرأبهه
الزائر :ده بيخدم في سلاح أيه ?
البواب :والله ما اعرف 
بيقولوا له يا باشمهندس
••
( أصوات مياه وضجيج واوامر )
العميد فتح الباب :
شدوا حيلكم يا رجاله هانكسر التوقيت الروسى 
لفتح الثغرة وتركيب الكوبرى
 أحد الجنود يزعق :ما احنا حطمناه للنص 
يا أفندم فى التدريب
العميد فتح الباب :
ها نحطمه أكثر
 سامع (الله اكبر )من جنود العبور
الجندى :عامله ذى الكهربا يا افندم شعرى واقف وجوايا طاقة بالف مقاتل
العميد فتح الباب :شدوا حيلكم
الله اكبر
العميد فتح الباب :
الحمد لله العميد حسن أبو سعده مشغول فى صد الهجوم من الشرق والا كان كهربنا أكثر
احد الضباط :ما يغركش يا افندم هوه حافظ التوقيتات ولو أتاخرنا ثانية ها يفرمنا
العميد فتح الباب :
قائد ما لوش زى ••طول عمره الاول وبرجالته 
وها نبقى الاوائل ونعمل مفاجاه 
ودائما الفرقة الثانية مشاه فى المقدمه
ضابط :مفروض نخلص أمتى يا فندم
العميد فتح الباب :
8مساءا بعد 6 ساعات من ساعة الصفر  
ضابط :الحمد لله أحنا محققين تقدم كبير
العميد فتح الباب :
خلص شغلك يا مقاتل 
لازم نحمى اخواتنا فى الشرق بأسرع ما يمكن
جندى :فورا يا افندم
العميد فتح الباب :الكوبرى جهز
ضابط:
مفرود فى الغرب يا أفندم حسب أوامر سيادتك 
ومنتظر الامر للتحرك بعرض القناة
العميد فتح الباب :قل له ينفذ
( تكتكتة تحرك كبيرة )
ضابط :الكوبرى ركب يا أفندم 
بس الروبه كتيره ••المدرعات تغرز
العميد فتح الباب :
الكل يتحرك للأجناب الجافة ويجيب دبشه كبيرة ويرميها فى الروبه تمتص الميه وتخشن الطين
( أصوات حركة الجنود والقاء حجارة مكتومه )
ضابط :تمام يا افندم
العميد فتح الباب :أفرد ستائر الصلب
ضابط : يا افندم قائد المدرعات مستعجل أكثر مننا ومستعد على رأس الكوبرى
العميد فتح الباب :
بلغه ما يتحركش قبل ما نجرب عربة مدرعة 
نضبط بيها كفاءة العبور
ضابط :الحمد لله يا افندم
العميد فتح الباب :أدى المدرعات تمام أمكانية العبور
( تكتكت صوت دبابة تعبر على الكوبرى 
وتهليل الجنود الله اكبر )
قائد المدرعة :تسلم الايادى يا رجاله 
كل سنه وانت طيبين
العميد فتح الباب :الساعه كام؟
ضابط :خمسه ••خمسه وخمسين يا أفندم 
العميد فتح الباب :الحمد لله حققنا رقم قياسى جديد
ضابط - أيوه يا افندم أقل من التوقيت الروسى لتركيب الكبارى باربعة ساعات
العميد فتح الباب :الحمد لله
 ( تهليل الجنود الله اكبر )
العميد فتح الباب :قولولى ••قائد كتيبة المدرعات بيقول كل سنه وانتم طيبين ليه
ضابط :النهارده 10 رمضان يا أفندم
العميد فتح الباب :
الرسول وغزوة بدر ••عليه الصلاة والسلام
ضابط - وصيام رمضان يا أفندم
العميد فتح الباب :
صحيح ده أحنا ما فطرناش
ضابط :اذان المغرب كان من ساعه يا أفندم
العميد فتح الباب :كنتوا تقدروا تسيبوا الكوبرى وتفطروا?
ضابط :ولا جه على بالنا الافطار  ابدا
العميد فتح الباب :
الحمد لله كده عملنا خطوه مهمه لزملائنا اللى عبروا ••يلا نفطر
جندى :نفرد السفرة فين يا أفندم?
العميد فتح الباب :فى الجنب اليمين
جندى :ما كل الاجناب روبه يا أفندم
العميد فتح الباب :
وفيه أحلى منها سفرة!
نتربع فى الطينه ونفطر فطار النصر ( ضحكات )
صوت احد ضباط المدرعات : مساء الفل على العفاريت
ضابط : وده وقت هزار يا سيادة الرائد
ضباط المدرعات :ومش وقته ليه و قدامى عفاريت 
من الطين لها عيون ••بس أعرف مين فيكوا 
العميد فتح الباب وانتوا متغطيين طينه
العميد فتح الباب :خير يا سيادة الرائد
ضباط المدرعات :الجواب يبان من عنوانه 
يا أفندم أنتم أول كوبرى نفذ على الجبهه
العميد فتح الباب :الحمد لله 
( أصوات تهليل وبهجه من الجنود )
( أصوات تجمع دبابات - صوت دوران ذراع اللاسلكى )
-وصلنى يا مقاتل بسيادة العميد حسن أبو سعده 
أنا العقيد حسين قائد كتيبة المدرعات 
الملحق على الفرقة
جندى الاشارة :
حاضر يا أفندم ها أوصله فى الحفرة البرميليه 
سيادته  متابع هجوم دبابات فى المقدمة 
ورجالة الصواريخ المضادة للدبابات مشتبكين 
والا ربى جى 
بس مورينهم الويل 
والدبابات الاسرائيلى بتنفجر وشايفنها
حسن أبو سعده : 
الو ••مين يا أفندم
العقيد حسين :
عقيد حسين قائد كتيبة المدرعات الملحقه بالفرقه•
العميد حسن أبو سعده :
أطلع من دماغى دلوقتي  يا حسين مش فاضى لك
العقيد حسين :يا افندم أنا باكلم سيادتك من الشرق
العميد حسن أبو سعده :
لسا ساعتين ••على ميعاد عبورك
العقيد حسين :
أنا فى الشرق يا أفندم 
وحشدت ومونت الدبابات بنزين وذخيرة 
ومنتظر أوامرسيادتك  
العميد حسن أبو سعده : 
لولا أنها حرب كنت قلت لك بتتكلم بجد
العقيد حسين : الف جد يا أفندم
••
(صمت قصير)
العميد حسن ابو سعده:
(الله يعمر بيتك يا فتح الباب ) 
رجاله بجد ••ربنا معانا
 أستعد وأنتظر الأوامر
العقيد حسين : تمام يا افندم
••
أصوات تهليل جماعي الله اكبر
••
(حلقة اذاعية)