الخميس، 21 مارس 2024 - 06:59 م

أكد الفنان أحمد فهمي، عدم وقوفه أمام فكرة غناء زوجته أميرة، قائلاً: "فكرة رفض غناء مراتي كل واحد مع مرور الوقت أفكاره وطموحاته تختلف وفي وقت من الأوقات كنت مثلا مش عايزها تغني ودلوقتي ادعمها أنها تغني وبساعدها في موضوع الغناء".

وأضاف أحمد فهمي، خلال حواره ببرنامج "حبر سري"، مع الإعلامية أسما إبراهيم، على قناة القاهرة والناس، أن صوت زوجته أميرة حلو ورفضه لغناءها قبل ذلك كان "قفلة دماغ"، متابعا: "كان قفلة دماغ مني واعترف بغلطي ومراتي اميرة عرفاني وانا لسه عازف وحضرت معايا كل مراحل شغلي".

واستكمل أحمد فهمي: "أبويا لما توفى كنت أنا أبو اخواتي البنات والتدخل في حياتهم كان لازم أكون موجود وضهر لهم وانا عندي 5 اخوات بنات والوقوف بجانبهم مش غلط ده العكس، وعمري ما كنت أناني ولا مدلع وابويا فرض عليا طريقة في التعامل عشان اطلع راجل لأني كنت متربي وسط بنات".