السبت، 23 مارس 2024 - 02:38 م

رد الدكتور سامح سعد، على تصريحات شقيقة الفنان أحمد سعد، المثيرة، عبر حسابه الرسمي بموقع التواصل الاجتماعي "فيس بوك".

وعلق الدكتور سامح سعد عالم الفيزياء شقيق المطرب أحمد سعد ، على تصريحات الأخير في برنامج «Big Time Podcast»، مع الاعلامي عمرو أديب، قائلا: "العربية الـ28 عطلت بيا تاني يا أحمد يا سعد تعالي اقطرني من علي الدائري". 

أحمد سعد يسخر من شقيقه عالم الفيزياء

في سياق أخر، كشف الفنان أحمد سعد عن مهنة شقيقة الأكبر الدكتور سامح سعد، بعد سؤال الإعلامي عمرو أديب «أنا سمعت أن شقيقكم أخ ثالث عالم اسمه سامح»، ليجيب الفنان أحمد سعد «هو ده الوحيد اللي ضاع فينا!».

وحكى سعد ساخرًا من وضع شقيقه العالم الدكتور سامح، أنه "لم يحقق كما حققه وشقيقه الفنان عمرو سعد، بسبب عدم دخوله مجال الفن".

وأضاف أحمد سعد: «سامح أخويا عالم كبير، لكن هو الوحيد اللي ضاع فينا لو كان طلع فنان كان زمانه كسب أكتر، سامح خد أول 5 سنين في كلية علوم امتياز مع مرتبة الشرف طلع مؤتمر أخدته اليابان حضر فيها ماجستير ودكتوراه».

وتابع: «كان الأول على اليابان، وأمريكا أخدته، عملوله معمل من أهم 10 معامل في العالم، والدكتور أحمد زويل كلمه ينزل يشتغل معاه في مصر، وبعدها رجع قال أخدم بلدي، دلوقتي معاه عربية 128 وإيده فيها شحم وروحت جبته أنا آخر مرة».

وأضاف أحمد سعد :«العلماء دول شكلهم غريب أوي، إحنا لازم نعمل حديقة العلماء عشان الناس تروح تتفرّج عليكم».

 ليرد عمرو أديب على تصريحاته مازحًا: «انت اللي شكلك غريب وبتلبس شبيكة».