الأحد، 21 أبريل 2024 - 09:12 م

كشفت الفنانة نادية شكري سبب انفصالها عن الفنان الراحل سامي العدل، مشيرة إلى أن الغيرة كانت السبب الرئيسي في الانفصال.

وقالت نادية شكري خلال لقائها في برنامج الستات ما يعرفوش يكدبوا عبر شاشة cbc: "الغيرة من أهم أسباب الانفصال.. خاصة أني كنت صغيرة لأننا اتجوزنا وخلفنا وأنا طالبة لسة.. فكنت عيلة ومكنتش مدركة الحياة".

وأضافت نادية شكري: "وأنا في بيت أهلي كنت مدلعة وفي مدارس فرنساوي ومش واخدة على الجو ده".

نادية شكري تكشف قصة حبها من سامي العدل:

كما تحدثت نادية شكري عن قصة حبها من سامي العدل قائلة: لفت نظري إن صوته غليظ وعرفنا بعض في خناقة وجر شكلي  واستفزني وإحنا في المعهد.. وشدينا مع بعض وبعدها صالحني وبعدها الحب حصل وهو حنين أوي وقلبه طيب.



اقرأ أيضًا| تامر حسني يعلن إنضام باسم سمرة لفيلم «ري ستارت»

وعبرت نادية شكري عن ندمها بعد الانفصال من سامي العدل موضحة: لو رجع بيا الزمن ما اطلقش بدليل إني ما اتجوزتش بعد منه، وأهله أهلي لحد اللحظة دي وهم سندي بعد ربنا حتى التعامل بعد الانفصال كأنهم أخواتي ومامته بتعشقني لحد دلوقتي.. ومش بيعاملوني على أني كنت مرات سامي أو أم رشا انا بالنسبة لهم حد خاص.

وتحدث نادية شكري عن ابنتها رشا قائلة: رشا كوكتيل مني ومن والدها سامي.. وفيه حاجات مشتركة بيني وبين سامي خدتها مننا إحنا الاتنين زي الطيبة والحنية، وأنا كمان متهورة لما حد يضايقني بكون حساسة أوي فاتقلب 180 درجة أزعق على مفيش وأعيط بسهولة، وأي حد مزعلني وييجي يطيطب عليا باخد على خاطري وأفضل أعيط، لأني أنا عيوطة أوي وكذلك الجدعنة ومبزرين ما نعرفش نحوش قرش.