الخميس، 09 مايو 2024 - 08:06 م

الشمّاعة

مين فينا مش بيدور على شماعة؟

شماعة يريح بيها ضميره، شماعة يتخلص بيها من عقدة الذنب، أو شماعة يبرر بيها أفعاله.

الزمان، ده أكبر شماعة بنعلق عليها دايمًا أخطاءنا و أزماتنا.

التراجع الأخلاقى بننسبه للزمن، الغش التجارى بنعلقه على شماعة الزمن، حتى أزمة الإبداع بنرجعها لجيل الزمن.

الجوع شماعة للنصب والسرقة.

الجهل والفقر غالبًا شماعة للانحراف.

لازم نقتنع أن الضرورات لا تبيح المحظورات، وأن الغاية لا تبرر الوسيلة، ولا حتى الجمهور بيكون عايز كدة.

الفشل.. بقى حسد، الإهمال.. اتحول لقضاء وقدر، والتقصير.. أصبح ما باليد حيلة.

الفضيحة مش تريند، والتقليعة مش براند، ولا الروشنة لايف ستايل.

كلها سخافات عبثًا نسبوها للزمن وكما قال الإمام الشافعى:

نعيب زماننا والعيب فينا، وما لزماننا عيب سوانا