الإثنين، 27 مايو 2024 - 03:22 ص

كشف الفنان لطفي لبيب، عن رأيه في إمكانية دخول بناته الوسط الفني، بجانب حديثه عن رفضه تكريم من السفارة الإسرائيلية، بعد تقديمه فيلم السفارة في العمارة مع الزعيم عادل إمام.

وقال لطفي لبيب، في تصريحات تليفزيونية: أنا أب لـ 3 بنات، والزوجة قاعدة في البيت ومهتمة بيا وبالعيال، هي ست جدعة وربنا يديها طولة العمر والصحة ويخليها ليا.

وأضاف: بناتي مش عايزين يدخلوا الفن، وأنا صعيدي أصلًا ومش حابب أورث بناتي لأن الفن ده ورث، واللي ولادهم طلعوا فنانين دول ورثوهم الحكاية وأنا معملتش ده، ومينفعش أعمل ده مع بنات شقين طريق في حاجات تانية، وأنا أب حاسم بس حنين جدًا، في حاجات لا أقبلها وفي حاجات أبقى حازم فيها وحاجات بدلع فيها البنات.

أما عن تفاصيل رفضه تكريم من السفارة الإسرائيلية، فقال لطفي لبيب: رفضت تكريم من السفارة الإسرائيلية لأني عملت دور سفير إسرائيلي في فيلم السفارة في العمارة، لاقيتهم بيكلموني عايزين يكرموني، قولتلهم لأ مينفعش، أنا شايف المكالمة دي وأنا حاربت علشان الأرض دي وجزء من مصر، سيناء دي غالية عليا بشكل لا يتخيله عقل.

كما علق الفنان لطفي لبيب، على أنباء اعتزاله الفن، قائلًا: الناس دايمًا بتسألني، أنت هتعتزل؟ أنتم كلكم نظر، هو مين يجيب ممثل طاير نصه؟ مينفعش، وأنا قانع جدًا بما أنا فيه وراضي باللي كتبهولي ربنا، راضي بنسبة 100% وسعيد لأني كنت شغال كتير، وعامل 150 فيلما و380 عملا فنيا بما فيها الأفلام، دول كانوا واخدني تماما من بيتي.

اقرأ أيضا|لطفي لبيب: أحمد السعدني لازم يفرح لأن والده في مكان أفضل