الثلاثاء، 18 يونيو 2024 - 12:14 م

"كل سنة وأنتم طيبين.. ربنا يعينكم ويقويكم.. احكولنا يومكم بيمر ازاي أيام العيد في المراجعة علشان نفيد بعض"، بهذه الكلمات وجهت عبير أحمد مؤسس اتحاد أمهات مصر للنهوض بالتعليم، حديثها لأولياء أمور وطلاب الثانوية العامة.

اقرأ أيضا| طلاب الثانوية العامة في إجازة لمدة تسعة أيام

وتفاعل أولياء أمور طلاب الثانوية العامة، على صفحة اتحاد أمهات مصر للنهوض بالتعليم، وائتلاف أولياء الأمور، على فيسبوك، حيث قالت ولي أمر: "قلق شديد وترقب، ربنا يهونها عليهم وعلينا ويسر لهم كل صعب، اللهم لا سهل إلا ما جعلته سهلا وأنت تجعل الصعب سهل وتجعل الحزن سهل عليهم يااارب".

وأضافت ولي أمر أخرى: "بنتى بتنام وقت قليل جدا وبيصحوا بدري، وكل شوية بدخل عليها الأوضة أخليها تفصل شوية حوالي عشر دقايق، نقعد نتكلم ونهزر، وبتحضر مراجعات على النت، وبتحل امتحانات، وربنا يعينهم طاقتهم خلصت، ويفرح قلبهم ويعوضهم عن تعب 11 شهر".

واستكملت أخرى: "فاضل 30 يوم بنعدهم باليوم والساعة، سنة خدت من طاقتنا وقلبنا ودمنا كتير بصراحه، ربنا يهون الباقي علي أولادنا وتخلص بخير وفرح وجبران خاطر يارب"، وتابعت أخرى: "أرجو توصلوا صوتنا، بلاش قطع كهربا أيام الامتحانات، أرجوكم الدقيقة بتفرق مع الأولاد".

وذكرت ولي أمر: "احنا محتاجين دعواتكم، ربنا يسهل عليهم يارب وتدعولنا إن اللي بيحط الامتحان ميتفزلكش فية كله، يارب يجعل العربي وباقي المواد برد وسلام على ولادنا، سنة طويلة ومرهقة مادياً ونفسيًا وجسديا".

وقالت ولي أمر: " بغض النظر عن الجو  والحر، قطع النور دا مشكلة لأن الأولاد مراجعاتهم كلها من على النت، وطبعًا النور يقطع كل حاجة بتقطع معاه، وأقل وقت بيقطع فيه مش أقل من ساعتين، بس هى دى المشكلة الرئيسية".