الإثنين، 11 أغسطس 2025 - 02:06 م

كشفت الفنانة ويزو عن تفاصيل طريفة من طفولتها، مشيرة إلى أنها عانت من زيادة الوزن منذ ولادتها، حيث بلغ وزنها 7 كيلو جرامات، وهو ما تسبب في صعوبة حملها بالنسبة لوالدها.

وخلال لقائها في برنامج "ضيفي مع" الذي يقدمه الإعلامي معتز الدمرداش، قالت ويزو:"من وأنا صغيرة وأنا تخينة.. اتولدت 7 كيلو، وأمي رضعتني 3 سنين، وكان عندي فتق سُري ومتعالجش. بابا كان بيقول لماما: إنتي مخلفالنا شوال، مكنش بيعرف يشيلني من كتر ما كنت تخينة."

اقرأ أيضا | نفاد تذاكر حفل مي فاروق بمهرجان قرطاج الدولي في دورته الـ59

وأضافت ويزو:"أنا الوحيدة في العيلة اللي وزني زايد بالشكل ده. حاليا وزني 130 كيلو، لكن أثناء الحمل والولادة كنت بزيد حوالي 50 أو 60 كيلو، كنت أوصل لـ180 كيلو، وأفضل أقنع نفسي إن دي ماية وهتنزل!"

وأكدت ويزو حبها الشديد للطعام، قائلة:"أنا بحب الأكل بطريقة مش طبيعية، بس بقالي أكتر من سنة بحاول أمنع نفسي عن الحلويات علشان أنزل شوية في الوزن."

وعلّقت ويزو على الجدل الذي أثير مؤخراً بعد انتشار صور لها ظهرت فيها بنحافة ملحوظة، حيث تكهّن البعض بخضوعها لعملية تكميم معدة.

ونفت ويزو هذه الأقاويل في بيان صحفي، موضحة: "أنا مخستش أصلاً عشان أكون عملت عملية تكميم، وزني الحالي هو نفس الوزن اللي ظهرت بيه أول مرة في مسرح مصر. حضرت افتتاح المهرجان القومي للمسرح بنفس شكلي ووزني، فإزاي أكون خسيت؟"

كما كشفت أن الصور المنتشرة تم تعديلها باستخدام الذكاء الاصطناعي، قائلة:"الماكيير بتاعي هو اللي صورني وعدل الصور بـ AI ونشرها، وأنا أخدتها ونشرتها، وده خلى الناس تفتكر إني خست، لكن الحقيقة عكس كده تماما."