السبت، 21 فبراير 2026 - 07:39 م

تألق الشاعر الغنائي محمد البوغه في موسم رمضان 2026 بكتابة كلمات تتر برنامج المقالب "رامز ليفل الوحش" الذي يقدمه النجم رامز جلال.

مقلب هذا العام لعبة يدخلها الضيف، وتتكون من مراحل تزداد حدتها في كل جولة، وفكرة البرنامج تكون سرية وفريق عمل الأغنية يعرف عنها الخطوط العريضة ليتمكن من تقديم عمل مناسب معها.

ويحافظ رامز جلال مع الشاعر محمد البوغه على الروح المرحة في الكلمات، وأيضا يحرص رامز في التترات على الصلاة على النبي صلى الله عليه وسلم، ليقدم توليفة تجمع كل العناصر من اللعبة وخفة الظل.

تتر "رامز ليفل الوحش" من كلمات محمد البوغه، ألحان محمد عبد المنعم، وتوزيع أحمد عادل، مكساج وماستر أمير محروس.

وتقول كلمات تتر بداية "رامز ليفل الوحش"

أنا جيت انا جيت 

فى الشوارع والحوارى والقهاوى بيسألونى 
إيه هتعمل إيه السنه دى والولاد بيقلدونى 
ميه ميه لازم ابقى حد قد المسؤولية 
من عنيا إنتو بس سخنونى سخنونى 

حسرة عليه .. حسرة عليه 
رامز ليفل الوحش يا بيه 
جاى فى إيه .. ماشى فى إيه 
خش برجلك يا اسمك إيه 
متحلوش ومترحمهوش 
أتخن ضيف هنحط عليه 
إحنا فى Game .. وانا My name
بقى م اللحظة دى رامز بيه 

اللى ما بينا إنساه 
صاحبى وصاحبك دول ع القهوة .. أنا مين ؟ 
أنا وبعون الله 
اللى يقع فى طريقى بجيبله تروما 
تروما تعيش لسنين 

لعيب .. لعيب 
هتخيب انا برضه هخيب 
لعيب .. لعيب 
أنا إصلاح يا ابنى وتهذيب 
إعمل عبيط انا حد غتيت 
تيت تيت تيت تيت 
صاحب كتاب فن التخبيط 
والنكش والأذى والتعذيب 

أنا مين .. أنا مين  
أنا وحش مبيريحش 
أنا مين .. أنا مين 
عمك ياد بقى متنحش 
أنا بالصلاة ع النبى Very happy 
Happy happy happy happy 
جيتلى فى حتتى وف ملعبى 
إنت فى رامز ليفل الوحش.

يشار إلى أن الشاعر الغنائي محمد البوغه حقق نجاحات مع عدد من نجوم الغناء أبرزهم عمرو دياب، تامر حسني، وراغب علامة، نانسى عجرم، وائل جسار وغيرهم.

ضيوف رامز جلال هذا العام ضمن سلسلة حلقات "رامز ليفل الوحش" هنا الزاهد، أحمد السقا، زيزو، كارولين عزمي، دياب، أسماء جلال، أحمد مالك، ياسر إبراهيم، عمر الدرديري، رحمة محسن، غادة عادل، غادة عبد الرازق، مصطفى غريب، لقاء الخميسي، حمو بيكا، سماح أنور، وشيماء سيف.