الثلاثاء، 05 مايو 2026 - 01:44 م

نشر المطرب حمزة نمرة تعليقًا عبر حسابه الرسمي على موقع التواصل الاجتماعي «إنستجرام»، عبّر خلاله عن قلقه المتزايد من التطور المتسارع لتقنيات الذكاء الاصطناعي، خاصة في مجال صناعة الموسيقى.

وقال حمزة نمرة على صفحته الشخصيية: بسمع دلوقتي أغنية بصوت المغني أو المغنية واللي مقدمها الذكاء الاصطناعي، الموضوع بقى مرعب بشكل مش طبيعي وأنا خايف على مستقبل الموسيقى.

وتابع: "المرعب في الموضوع إنه بقى ليهم مستمعين وأعداد كبيرة جدًا، يوصلوا للمليار واللي بيغني في الأصل مكنة، والمشكلة إن اللي بيسمعوا مش عارفين إن ده AI مش صوت بشري، دي حاجة محبطة، الناس مش عارفة تفرق".

وأضاف: "إحنا بقينا مثل الذي يتعلق بالأم اللي مش حقيقية ويتعلموا منها كل حاجة، بقينا مش عارفين نفرق بين الحقيقي والبشري والغير بشري، ده مديني إحباط كبير أوي".

وأختتم حديثه قائلا: "الفرق ما بينا إحنا كموسيقيين والذكاء الاصطناعي وجهة نظر، وأتمنى الموسيقيين في مصر والوطن العربي ياخدوا بالهم وبقولهم بلاش استسهال".