السبت، 06 يونيو 2026 - 02:53 م

رد الفنان أحمد سعد على الانتقادات التي وجهت له بعد اللوك الذي ظهر به الفترة الأخيرة ووضعه بعد الحلي في ذقنه.

وقال أحمد سعد في تصريحات تلفزيونية: "الانتقادات لا تهمني، وأنا مستمر في شغلي، لأن الفنان لو وقف عند كل تعليق أو رأي سلبي مش هيعرف ينجح أو يكمل طريقه".

وأضاف: "اللوم مبيأثرش معايا خالص الناس كلامها كتر عليا أوي، كلام الناس مبيشغلنيش ومبيزعلنيش ومبيضايقنيش والمشكلة مش فيا المشكلة في الناس بيحبوا يشوفوا حاجات غريبة عشان يتكلموا عليها، لما بلبس بدلة عمري ما شفت حد قالي الله إيه البدلة الجميلة دي، عايزين يشوفوا حاجة غريبة ليه لأ خلاص يلا بينا".

وتابع أحمد سعد: "مبعملش حاجة حرام أهم حاجة ميكونش حرام وميكونش ليه علاقة بالدين أنا مش متشبه بالنساء لأن مفيش نساء عندها دقن لحد دلوقتي يعني مش عارفين الموضة هتروح فين".

وأضاف أحمد سعد أن اللوك المختلف الذي يظهر به من وقت لآخر يعد جزءًا من شخصيته الفنية، موضحًا أن التغيير والتجديد أصبحا عنصرين أساسيين في صناعة الترفيه والفن، قائلًا: "اللوك بتاعي ده جزء من شغلي، والناس اللي بتتكلم هي نفسها لو مفيش حاجة مختلفة أو ملفتة محدش هيتكلم أصلًا".

على جانب آخر، طرح أحمد سعد "الألبوم الفرفوش" ويضم أغنيات "كوتي" و"خبر عاجل" و"جوزها" و"أوبا" و"ورد".

يذكر أن أحمد سعد شارك مؤخرا ضمن لجنة تحكيم برنامج The Voice مع رحمة رياض وناصيف زيتون.