الثلاثاء، 14 يوليه 2026 - 02:44 م

كشف الفنان محمد إمام، عن تفاصيل المكالمة التي جمعته بنجم منتخب مصر محمد صلاح من خلال صديق مشترك بينهما، مؤكدا أنه من أفضل المكالمات التي تلقاها في حياته.

وقال “إمام” خلال استضافته في برنامج الحكاية مع عمرو أديب: "أنا ومحمد صلاح متابعين بعض وبحبه جدا ومن أحلى الحاجات اللي جت في تاريخ مصر، وإدى الأمل للمصريين في الوقت المظبوط وشايف إنه رحلة كفاح ونجاح لازم تدرس".

وأضاف: "امبارح بالصدفة كلمته خلال تواجده في الساحل الشمالي وكنا أول مرة نتكلم وقالي إنه بيحبني وبيحب أفلامي". 

وتابع: "هزر معايا في موضوع من فترة كنت قايل إني عايز بنت صغيرة تمثل معايا قالي كنت هبعت لك مكة".