إسراء كارم

نشرت الفنانة زينة، صورة لفتاة صغيرة  - عبر حسابها على "انستجرام" – طالبة من الجمهور الدعاء لها بالشفاء. وكتبت "زينة" في تعليقها على الصورة: " البنت دي اسمها فريدة وعندها مرض خطير ضمور عضلي، وعلاجها محتاج 15 مليون جنيه". وأضافت في رسالتها: "كنت فاقدة الأمل أن أقدر أساعد إن نلم لها الفلوس دي يأست وعيطت مع نفسي وقلت يارب تشفيها لأمها، وكالعادة ربنا دايما أكبر من فلوس وأي مرض ورحمته أكبر مما ممكن نتخيل". وتابعت: "الإعلامي عمرو أديب النهاردة جاب لها واحد متبرع بكل علاج فريدة ربنا يكرم الراجل ده إنه اتبرع لها بمبلغ كبير كده ربنا يخلي له ولاده ويديله على أد عمله يارب ". وطالبت جمهورها بالدعاء للطفلة بأن تقاوم المرض ويتم شفائها سريعًا، قائلة: " لو كل واحد هنا قرأ سورة في القرآن بنية إن ربنا يشفي فريدة أكيد ربنا مش هايكسفنا". وكان الإعلامي عمرو أديب، تحدث عن حالة الطفلة والتكاليف المطلوبة للعلاج، ليتكفل فاعل خير بمصاريف الحالة بالكامل.