الأحد، 30 يونيو 2019 - 03:52 م

نشرت رانيا عمرو، صديقة الإعلامية ريهام سعيد، تدوينة عبر حسابها على موقع "فيس بوك"، كشفت من خلاله عن حقيقة المرض الذي أصاب ريهام، بعد أن تداولت مواقع إخبارية أخبار مغلوطة عن مرضها.

وقالت "رانيا": "أرجو التماس العذر لي لعدم الرد على التليفون والرسائل وأشكركم على اهتمامكم الشديد..
للناس اللي عاوزه توضيح، ريهام عندها ميكروب شديد في الأنف من الداخل والخوف إنه يطلع على العين والمخ.. حاجه ملهاش أي علاقه بالجلد، واضطرت أن تخضع لعملية دقيقة.. وهي الآن تخضع لعلاج مكثف وإذا لم يكن هناك تحسن هتسافر إن شاء الله للتأكد من العلاج الصحيح وإن شاء الله بإذن الله تقوم بالسلامة".

وأضافت: "تصحيح لبعض البوستات الخاطئة، موضوع إن جالها ميكروب في الجلد يؤدي إلى تساقط الجلد ده كلام مش صحيح خالص أو أنه جالها نفس فيروس مايكل جاكسون وإن جلدها هيتساقط ومرض خطير والكلام ده من وحي خيال بعض الناس".

وتابعت: "من فضلكم بلاش التزايد في الكلام وتأليف الأخبار اللي بتدمر أسرة كاملة.. يعني لما يتكتب خبر (وصية ريهام سعيد الأخيره قبل وفاتها) الناس دي مش بتفكر إن ريهام ليها أم وأب وأخوات وأولاد ممكن ينهاروا لما يقروا خبر زي ده، والا هو سبق صحفي وطز في أي حاجة تانية.. برجاء الدعاء لها بظهر قلب".

واختتمت: "اللهم رب الناس اذهب البأس.. اشفي أنت الشافي شفاء لا يغادر سقمًا.. يارب يجعل دعوات الناس من نصيبك ويشفيك يا حبيبتي أزمة وهتعدي إن شاء الله".