أرسلت راندة عفيفي صادق، قصيدة بعنوان "حنين"، لخدمة "واتس آب" بوابة أخبار اليوم، لنشرها ضمن إبداعات القراء بتبويب "صحافة المواطن".

ومن أجواء القصيدة:

حنين

مهما طالت السنين

كل ما يزيد الحنين

هجر مين وبعد مين

وأنت ساكن قلبي 

علي طول السنين

بس بعد الشوق مازاد
شفت قلبك اتحني قدام عناد
قلبي اللي فات في الذكريات 
رجعتلي عمري اللي عشته
 واللي فات
لما جيت وسألت عني 
بابتسامة شوق وحب 
سكنت عنيك كل الآهات
نفسي اترمي في حضن قلبك بالسعات
زي طفل في حضن امه مرة بات
دفئ تاني وشكل تاني
 للمشاعر والسهاد
وشعور غريب لما  تحس
إن الحياة بقت بتاعتك 
وفاديك كل الحاجات
فجأة تخلص الهموم
فجأة تتشال الغيوم
فجأة تلقي الشمس صافية
دنيتك في البرد دافية 
خدت معاها كل الآلام والذكريات 
لكن صحيت ولقتني وحدي 
اه ده فعلا لسه وحدي
بكت عينيا من  المفاجأة 
كنت نايمة أيوه نايمة
انت فين وسايبني وحدي
رحت أمسح دمع عيني
وأهدي قلبي 
صوت طبوله سمعت كل الحارات
كنت فاكرة  ان قلبي
 يوم فراقك عني مات 
فجأة أتلفت لقتني جنبك 
ايوه جنبك دي حقيقة مش خيال
رجعت من تاني لحضني
ولدفء قلبك راح تاخدني 
اوعى تاني في يوم تسبني 
من هنا ليوم الممات

وتستقبل «بوابة أخبار اليوم» إبداعات القراء الأدبية والفنية ومقترحاتهم وشكواهم، على صفحة فيسبوك «بوابة أخبار اليوم»، إلى جانب الرقم المخصص للخدمة على تطبيق التواصل الاجتماعي «واتس آب» 01200000991.