الأربعاء، 30 ديسمبر 2020 - 11:53 ص

تفاجئت النجمتين سوسن بدر ويسرا اللوزي، مساء أمس، بتعليقات سخيفة من متابعيهم على السوشيال ميديا، بشكل من التنمر الغير أخلاقي

فعلق أحد الأشخاص ليسرا اللوزي، بوصفها بـ «أم الطرشة»، وأثار هذا التعليق استياء عدد كبير من نجوم الفن والجمهور على السوشيال ميديا، وحرصت على الرد عليه بشكل مهذب لتلقنه درساً في الاحترام والأمومة.

وكتبت يسرا في تعليق: «شكرا على ذوق حضرتك، أنا قررت استغل كلامك اللطيف عشان أقدم شوية توعية بخصوص هذا المصطلح، أولا المصطلح الصحيح والمقبول هو الصم وضعاف السمع وليس الطرش أو البكم، ثانيًا أحب أعبر عن فخري بكوني والدة طفلة صماء، لأنها علمتني حاجات كتيرة جدًا وبقيت بنى آدمه وأم أحسن بسببها، وأنا متأكدة إنها هتطلع إنسانة مثقفة ومتفوقة ومش هتبقى محتاجة مساعدة من حد عشان تحقق أحلامها»

وأضافت يسرا: «ثالثا.. البنت الصماء دى هى اللى ألهمتنى انى أتكلم فى البرامج وأطالب بالكشف المبكر للمواليد اللى على أساسه كل المصريين هيتعملهم كشف سمع عند الولادة، وده المفروض يساهم بشكل إيجابي فى حياة عائلات كتير وهيسمح للأطفال الصم وضعاف السمع، إنهم يلاقوا الدعم منذ الصغر عشان يقدروا يتعلموا كويس وما يبقوش عبء على حد، بل بالعكس هيكونوا قادرين يندمجوا فى المجتمع (المريض للأسف)»

وتابعت يسرا: «فالبتالى الطفلة الصماء دى، ليها إنجازات أثرت على شعب كامل، رغم إن عمرها 6 سنين، يا ريت توضحلى بقى.. حضرتك أنجزت إيه فى حياتك؟.. شكرًا»

أما الفنانة سوسن بدر، فبدأت قصتها عندنا نعت المخرج حاتم علي، عبر حسابها الرسمي، فتلقت تعليقاً جارحاً من أحد الأشخاص متمنياً لها الموت قائلاً «عقبالك»، وحرصت سوسن على الرد على أيضاً بطريقة محترمة، وكتبت: «الموت رحمة ولطف من ربنا سبحانه للطيبين، لأنهم بيتمنوا لقائه أشكرك على دعائك».