الأحد، 25 أبريل 2021 - 10:39 م

علّقت السيدة سامية شاهين، زوجة المخرج الراحل ياسين إسماعيل ياسين، نجل الفنان الكبير إسماعيل ياسين، على الأزمة القائمة بسبب اتهام مسلسل «موسى» بالسخرية من الكوميديان الراحل في أحد مشاهد الحلقة 12 من العمل الذي يقوم ببطولته النجم محمد رمضان.

وقالت شاهين، خلال مداخلة تليفزيونية «دي مش أول مرة محمد رمضان يعمل حاجة زي كده، من سنة ونصف برضو قال حاجة عن إسماعيل ياسين وتدخل النقيب الدكتور أشرف زكي حتى اعتذر رمضان، وبرضو محرمش».

وأضافت: «المشهد ده تهكم واضح على فنان قيمة وقامة مثل إسماعيل ياسين، محمد رمضان بيجي جنب إسماعيل ياسين ليه؟ إحنا المرة دي مش هنعديها، المرة اللي فاتت عديناها، ونريد الحق الأدبي للقامة الكبيرة إسماعيل ياسين».

تابعت: «اللي هيرد اعتبار إسماعيل ياسين أنه يعتذر رسمياً هو والمؤلف والمخرج، وإزاي المخرج يقبل حاجة زي كده؟ في قانون بيحكم ظهور الشخصيات التاريخية من غير موافقة الورثة».

واختتمت حديثها قائلة: «مش هقبل أن جد بناتي يتهان بالشكل ده».

إقرأ أيضاً .. مخرج «موسى» عن إهانة إسماعيل يس: لما تشوفوا بقية المشاهد تبقوا تحكموا