الثلاثاء، 08 يونيو 2021 - 01:16 م

أزمة جديدة فرضت نفسها على مواقع التواصل الاجتماعي بعد حديث إحدى الفتيات عن طردها من كافيه شهير في شارع التسعين بالتجمع لمجرد ارتدائها العباءة.

وما إن نشرت إحدى الفتيات وتدعى دينا حشيش ما حدث لهن داخل الكافيه حتى انتشرت الواقعة بسرعة الرياح على مواقع التواصل، بسبب زميلتهن التي كانت ترتدي عباءة رغم أن المجموعة كانت مختلفة في ملابسها ما بين محجبة وغير محجبة.

وبحسب التعليق المتداول على موقع فيسبوك نقلا عن دينا حشيش وهي واحدة ممن تعرضن للطرد، فإنها قالت: "الواحد كان فاكر إن لسه شهر على خناقة البوركيني والتشنج الطبقي، بس أنا افتتحت الموسم بأول قصة، أنا وفريق الشغل قررنا نعمل ميتينج مهم في التجمع في كافيه الصبح، وحد اقترح علينا كافيه بسيط في شارع التسعين".

وأكملت : "بدأنا الميتينج وكنا 5 بنات كل واحدة فينا شكل، البلوند، أنا، محجبات بأشكال مختلفة، إحنا تيم كونتنت بنكتب لـ 1.7 مليون فولورز، وأحلى حاجة فينا اختلافنا، لأننا بنوصل لكل متابعينا مهما كانت خلفيتهم وبعد ساعتين،  جت أخر بنت بدموع في عينها من الإحراج، وبتقولنا مش هقدر أحضر الاجتماع، مش عايزيني هنا علشان لابسة عباية".

وتابعت من خلال منشورها: "روحت للمدير، قولتله عيب عليك، إحنا في 2021، وقدمت قوي حوارات الخوف من الاختلاف،  وبرضو مش هناقشك إن لك دريس كود، حقك، ولكن أنا مديريتهم وجايباهم ومتكسفنيش قدامهم، إحنا ساعة وماشيين لازم السينس، أنت شايف ناس محترمة فعادي المكان فاضي أصلًا، يقولي في كاميرات والمدير هيلومني ومش مسموح بعباءة ولا نقاب ولا شبشب، أنا عمري في حياتي ما اتطردت من مكان، ويوم ما يحصل يبقى في قهوة وأنا أصلا ما بشيش".

أحمد سعد علق على الواقعة بقوله: "الحرية يا اما تبقى فى المطلق والكل يتحسب عند ربنا.. يا اما نسكت و بلاش نترسم و نعيش دور المراقبين على بعض.. اختار دينك.. اختار اسلوب.. اختار لبسك.. اختار اللى انت عايزه.. المهم تبقى سعيد.. أنت خليفة الله فى الارض.. مخلوق أمكانياته أسطورية بس بنستغلها فى التفاهات وإزاى نشغل بالنا ببعض ونتكلم على بعض".

"بوابة أخبار اليوم" حاولت التواصل مع أحد المسؤولين عن الكافيه المذكور عبر صفحتهم الرسمية إلا أن الصفحة المعتمدة على موقع فيسبوك أصبحت مغلقة.

كما تتحفظ "بوابة أخبار اليوم" على نشر اسم الكافيه المذكور ومنحهم حق الرد.