أنا الـ A.T.M
الأربعاء، 29 سبتمبر 2021 - 06:54 م
الأخبار
بقلم/ عصام حسني
مش عاجبها..
بتقول سايبها لوحدها تربى العيال
ومش شاغلنى ومش ف بالى
حاسسها عايزه تغنّى غنوة حاتمرّد ع الوضع الحالى
مش شايفه إن أنا دورى مهم
نسيت إنى الصرّاف الآلى.. ال ATM
أنا من غيرى حقيقى مفيش ولا حاجه تتمّ
عايزين فلوس عشان المدارس والدروس
ده فصل من موضوع كبير. ترس واحد م التروس
وده طبع حياتنا ف لازم ح يكون فيه تقصير
لو جيت وطاوعتك مين ح يحاسب ع الفواتير!
ف الغربه باخد وأدّى وحدى مع الحنين
وعلبتين مناديل فاين
حتى العيال م الانشغال بقيت باشوفهم أونلاين