الإثنين، 24 أكتوبر 2022 - 06:00 م

أبدى الفنان  صبري فواز إعجابه بقرارات مجلس نقابة المهن الموسيقية بقيادة مصطفى كامل بشأن التعامل مع مطربي المهرجانات.

وكتب صبري فواز، عبر حسابه الشخصي بموقع التواصل الاجتماعي "فيس بوك"، قائلًا: "على فكرة القرارات اللي طلعت من نقابة المهن الموسيقية النهارده حاجة كويسة جدًا.. إنك تستوعب كل مؤدي المهرجانات وتعمل لهم شعبة في النقابة، أيًا كان اسمها مش مهم الاسم، ويدفعوا اشتراكات ورسوم، هتفيد النقابة وأعضاءها".

وأضاف: "ده غير إنك هتشغل مع كل واحد، منهم مجموعة من العازفين من أعضاء النقابة، هيفيد العازفين وهيطور أداء مغنيين المهرجانات.. وده كان الغرض من البوست اللي عمل دوشة".

وتابع: "المنع لا يفيد لا النقابة ولا المغنيين.. وآدينا شفنا بعينينا إن المنع ما قدرش يحجب حاجة، زي أنتش وأجري من الانتشار، يبقى ايه الطريق الأنسب؟، الطريق الأنسب هو اللي النقابة عملته ده برافو بجد.. وبالتوفيق للجميع، ولو إن النقيب قال عليا جاهل في أحد البرامج.. بس أنا مسامح عشان القرارات الحلوة دي.. قشطة يابا؟".

وكان الفنان صبري فواز قد نشر بوست يهاجم من خلال نقيب المهن الموسيقية الفنان مصطفى كامل وذلك عبر حسابه الرسمي من خلال  موقع التواصل الاجتماعي " فيس بوك".

وعلق عليه قائلا:"عاوزين حد متخصص من نقابة المهن الموسيقية يفهمنا ويعلمنا، ايه الفرق بين المهرجانات، وقشطة يابا".