الجمعة، 23 ديسمبر 2022 - 11:35 م

حلت المطربة المعتزلة زيزي عادل ضيفة عى برنامج "كلام الناس" المذاع على قناة "إم بي سي مصر"، لأول مرة منذ اعلانها اعتزال الغناء، وكشفت خلال الحلقة سبب اختيارها للداعية مصطفى حسني لاستشارته قرار اعتزالها.

وقالت زيزي عادل انها من جمهور مصطفى حسني، وتستحسن دائما أقواله وطريقته المبسطة في شرح أصول الدين والتقرب إلى الله.

موضحة: "اخترهت لدعمي في قرار اعتزال الغناء لإني بحب اسمعه وبتابع فيديوهاته من قبل الاعتزال، وبحب كلامه وهو بيتكلم عن التسامح وأمور إيجابية جدا، وبيقدر يوصلي المعلومة بطريقة حلوة وهو كلامه مريح".

وعن الاعتزال، قالت زيزي عادل: "لما كنت مطربة وقبل الاعتزال كان شغلي الشاغل اللايكات والفيديوهات والحفلات واللبس وهاعمل شعري ازاي واسم الأغاني واكتشفت حاجة مهمة إني مش هاخد معايا في لقاء ربنا حاجة من دول".

وتابعت خلال لقائها: "مش هاخد معايا حاجة لما أقابل ربنا غير أعمالي، وكنت عايزة بيني وبين نفسي أحس أني مستعد للقاء الله، وخصوصا بعد موت ناس صغيرة على معرفة بيهم في فترة كورونا".

وتابعت زيزي : "اكتشفت أن الموت ملهوش سن ومفيش حاجة اسمها بدري، وهذا كان سر خوفي واعتزالي الغناء لأني مكنتش مستعدة اقابل ربنا ".

أقرأ ايضاً - مش ناقصني غير الحجاب| زيزي عادل: اعتزلت الغناء لأنه حرام و«أنا مش مباحة»