الخميس، 07 سبتمبر 2023 - 04:29 م

رد المطرب حسن شاكوش علي فيديو من طليقته ريم طارق وهي تأكد علي انتهاء الخلافات بينهم، عبر حسابة الرسمي بموقع التواصل الاجتماعي"فيس بوك".

ونشر حسن شاكوش فيديو توضع فية طليقته ريم طارق إنهاء الخلاف بينهم وتعتذر لجميع أطراف العائلتين، ليرد عليها شاكوش قائلا: "أنا أولا بشكرك يا ريم علي كلمه الحق الي قولتيها في حقي دلوقتي وذكرتي إنك مشوفتيش مني غير الخير".

وأضاف: "وقابل اعتذارك علي ما صدر منك وأنا مكنش ليا أي رد فعل قدام الناس ومش من تربيتي إني أشهر ببنات الناس حتي لو رد علي كلام يجرحني او إساءة ليا".

واستكمل: "مع إن ده كان مقصر عليا نفسيا وعلي أهلي وكل الي حوليا وقابل اعتذارك".

وانهي : "وعفا الله عما سلف والمسامح كريم واتمنالك كل خير في حياتك واشوفك دايما بخير".

سبب سجودها في حفل زفافهما

وكانت قد كشفت ريم طارق طليقة مطرب المهرجانات حسن شاكوش، سبب سجودها في حفل زفافهما، ذلك الموقف الذي أثار جدلًا واسعًا على مواقع التواصل الاجتماعي حينها، كما عرّضها للعديد من الانتقادات، خلال تواجدها بأحدي البرامج التليفزيونة قائلة:" مكنش في صحفيين في القاعة غير والدتي ووالدي ومنسقة الحفل، ومعرفش الصورة طلعت برا القاعة ازاي ومطلبتش من حد أنه يصورني، أنا عملت حاجة تلقائية هتريحني وكنت بتمنى ربنا يجعل الحياة أنها تكون خير بعد زواجي".

وتابعت ريم طارق: " مقصدتش أعمل تريند ولا حسن طلب مني ومكنش موجود أصلاً، أنا عملت الحركة دي عشان كنت متوترة ودي هتريحني، وكنت متخيلة عشان أنا مريت بحياة وحشة قبل كدة، فكرت أن حياتي وقفت، ولكن لما ربنا بعتلي حد وهدخل حياة جديدة وهخلف وفي لسة حياة، حبيت أشكر ربنا، وملوش علاقة بحسن".