السبت، 21 سبتمبر 2024 - 09:50 ص

زى النهارده

خدت إيده بين إيديا

ضمنا فيها الأمان

قولتله كام حلم فاتنى

وانت بيك وضحت ملامحى

وابتديت أرسم طريقى

وأجمع الحلم اللي كان

قولتله أملي ف قربك

جايز الدنيا بتبعد

قلبي عن قلبك ساعات

بس وانا وياك باحس

كل شيء في الدنيا هان

غير وجودي جوه حضنك

اللى بيه بأنسى الزمان

قولتله خلينى احبك

واسرق العمر في ثوانى

بأفتكرها لما ببعد

لما أتوه فى دنيا خاينه

وانت بترجعنى تانى

ده لعينيك سلمت قلبى

بين ايديك لملمت روحى

يا اللى بيك كملت حياتى

سيبنى أذوب وأموت فى حبك

سيبنى أتوه وأغرق كمان

زي النهارده

خدت ايدك بين ايديا

واتسرق منى الزمان