الإثنين، 10 مارس 2025 - 09:37 م

اعترفت الفنانة هدى الإتربي، بأنها كانت مخطوبة من منتج شهير، مضيفة: "اتخطبنا، وعشنا قصة حب، وقبل فرحنا بأسبوع حصل مشكلة كبيرة بسبب الشغل بتاعي وسيبنا بعض، رغم إن فستان فرحي متعلق وبيتي مفروش ودعوة فرحي اتبعتت للناس كلها".

وبكت "الإتربي"، في حوارها مع الإعلامية بسمة وهبة مقدمة برنامج "العرافة"، على قناتي النهار والمحور، وقالت: "أصبت باكتئاب، وقعدت أتعالج منه، وسبب الانفصال هو إنه مكنش قادر يتعامل مع المشاكل اللي كانت هتواجهنا في الشغل، وكان أي مشكلة بتحصل بنلاقي نفسنا إحنا الاتنين أطراف فيها قدام بعض".

وتابعت الفنانة هدى الإتربي: "سبب المشكلات هو عدم تصالحه مع فكرة أنه سيرتبط بممثلة رغم أنه منتج وابن المجال، وقبل فرحنا بأسبوع حصل مشكلة لم تكن الأولى ولا الأخيرة بسبب شغلي، ووجدنا نفسنا طرفين ضد بعض رغم أنه لم يكن طرفا فيها، وبعدين لقيته بيقولي أنتِ لازم تسيبي التمثيل، لأنه هيعملنا مشكلات في حياتنا، فا قلت له أنت جاي تكتشف ده قبل فرحنا بأسبوع! وقالي يا الشغل يا الجواز، قالت له مش هقدر أرد، أنا عندي التزامات، فا قلت له يا تسيب الشغل يا تسيبني، فقال لي أنا اعتبرت إنك بعتيني، ومشي وكمل حياته وتزوج، وبعدها توفى".