السبت، 13 ديسمبر 2025 - 11:27 م

حرص الفنان محمد فراج على الاحتفال بعيد ميلاد زوجته الفنانة بسنت شوقي، حيث وجه لها رسالة حب احتفالاً بتلك المناسبة.

ونشر محمد فراج عبر صفحته الرسمية على «إنستجرام»، صورة ليده وهي ممسكة بيد زوجته بسنت شوقي، في أجواء من الحب والرومانسية، وعلق قائلاً: "ما ينفعش أقولك كل سنه وانتي طيبه قبل ما اقولك جوايا شكر وحب واعتراف بالجميل و حاجات كتير ليكي".

وتابع محمد فراج: "انتي طول عمرك معايا - بتنصحيني - بتوعينى - بتحبيني - مؤمنه بیا - سابقانى دايما بخطوه في تفاصيل حياتنا، الصراحه هي مش خطوه واحده هما كذا خطوة، استحملتینی واستحملتی عصبیتی وقلقی وسخافاتي وقت الشغل وخصوصاً الفتره اللى فاتت واللى كان فيها الموج عالى قوى و مع ذلك بتبقى أول واحده تقولى برافو عجبتني، واخده بالك منى و ليكي في كل خطوه أخدتها ربنا كرمنى فيها، ليكى فى كل دور حلو أنا مثلته، شايله همی و حملی و حملك وفوق كل ده کمان زی القمر".

واختتم: "أنا لو اتكلمت وحكيت من هنا لعيد ميلادك السنه الجايه والله مش كفايا تفتكرى بعد كل ده كلمتين حتى لو صادقين ومن القلب يوفوكى حقك، كل سنه وانتى أحلى صوص بيدى طعم للحياة، كل سنه وانتى حبيبتي".

 

 

 

 

View this post on Instagram

 

 

 

 

 

 

 

 

 

 

 

A post shared by Mohamed Farrag | محمد فراج (@fegoooo)

وكانت بسنت شوقي كشفت مؤخرًا التحديات النفسية التي واجهت زوجها الفنان محمد فراج خلال تقديمه لدوره في مسلسل "ورد وشوكولاتة".

وقالت بسنت شوقي في تصريحات تليفزيونية: "محمد بيتأثر بشغله أوي والسنة اللي فاتت دي كانت صعبة عليه قبل ما تكون عليا، كان دايمًا مضغوط ومتعصب، ومحتاج يريح شوية".

ومسلسل "ورد وشوكولاتة" بطولة كل من: محمد فراج، زينة، مها نصار، مريم الخشت، مراد مكرم، صفاء الطوخى، محمد سليمان، عمرو مهدى، وبسام رجب، إلى جانب مجموعة من الوجوه الصاعدة، مثل يوسف حشيش وآية سليم، من تأليف محمد رجاء، وإخراج ماندو العدل.