الأحد، 17 مايو 2026 - 03:06 ص

حرصت الفنانة لبلبة، على تهنئة الزعيم عادل إمام بعيد ميلاده الـ 86، الذي يحل اليوم الأحد.

وقالت لبلبة في مداخلة مع الإعلامي أحمد سالم على قناة ON في برنامج كلمة أخيرة: "عادل إمام، مفيش فنان زيه، مفيش فنان أخلص لفنه وحبه جمهوره زي عادل إمام، كان مشغولًا بقضايا الوطن وبيقدمها بشكل كوميدي ولطيف ويقدر يضحكنا ويبكينا في نفس الوقت".

وتحدثت عن ذكرياتها مع الزعيم وقالت: "عشرة كبيرة بيني وبينه، أجمل أيام حياتي قضيتها وأنا بشتغل معاه، صحيح أنا بشتغل لحد دلوقتي لكن وهو مش معايا مفيش طعم للشغل زي ما كنت بشتغل معاه، الساحة الفنية مبقاش ليها طعم، مفيش حد نجح 60 سنة، والناس حبته لأنها كانت بتحس أنه واحد منهم".

وأضافت لبلبة: "هو اللي علمني أكون متنوعة في أدواري وكان دايمًا يقولي متعمليش دور شبه دور فاجئي الجمهور.. خليه يدخل يكون فاكر إنك هتعملي كوميدي واعملي تراجيدي، اتعملت منه كتير، وشجعني، وكان بياخد باله من كل صغيرة وكبيرة في شغلنا، وكان بيكون فرحان بالممثل لما يعمل دور حلو ولما أنا اعمل دور حلو يقولي حلو أوي ويشجعني".

وتابعت لبلبة موجهة رسالة لعادل إمام: "يا عظيم يا أعظم فنان وإنسان.. أنت بالنسبة لي حاجة كبيرة أوي ومقدرش أتخيل حياتي وأنت مش فيها، إحنا على تواصل مع بعض بشكل دائم، والحمد لله بكون فرحانة لما هو يضحك ويكون مبسوط لما يكلمني، أسعد لحظات حياته لما كان بيبسط الجمهور، وكل الناس بتحبه".

اقرأ أيضًا | ظهور مؤثر لـ هالة سرحان ولبلبة في عزاء هاني شاكر بمسجد أبو شقة | صور وفيديو