الأحد، 26 يوليه 2026 - 01:12 م

قال الفنان ياسر جلال، عضو مجلس الشيوخ، إن مستحقات حق الأداء العلني تُقسم كنسب محددة للمؤلف والمنتج والممثل، ولا تُدفع مباشرة للفنان أو المنتج أو المخرج، مشيرا إلى أنها تذهب بالكامل لجمعية متخصصة تتولى تحصيل هذا الحق وإعادة توزيعه وتقسيمه على الجهات المستحقة.

وأضاف خلال برنامج «آخر النهار» أن المؤلف يحصل على النصيب الأكبر، متابعا: "أنا قلت كلمة على موضوع أجري فالناس قالت: أنت بتاخد قد كده ومش مكفيينك؟ أنا في زملاء ليَ يتباهوا أنه يقول لك أنا أعلى أجر في مصر، لا، أنا كـ ياسر جلال أقل أجر بالنسبة لزملائي".

وذكر ياسر جلال: "أنا قلت كلمة على موضوع أجري والناس قالت إيه دا أنت بتاخد قد كده ومش مكفيينك، أنا عايز أقول حاجة أنا في زملاء ليا يتباهوا أن يقول أنا أعلى أجر في مصر، لا أنا أقل أجر بالنسبة لزمايلي".

وردا على قول الإعلامي تامر أمين إن أجره 40 مليون جنيه قال ياسر جلال: "أربعين مليون!! أقسم بالله ربع التمن أزيد منه شوية عشان القسم، وأنا راضي دا كتير بس المشكلة أنا مش بعمل إعلانات وعندي مبدأ مش بروح برامج بفلوس، مش بعمل أفلام ومعنديش بيزنس".

نرشح لك: أحمد السعدني وهنا الزاهد وليلى علوي ونور النبوي من بينهم … النجوم في عيد ميلاد منة شلبي

وأضاف ياسر جلال: "الفلوس اللي باخدها في المسلسل دا أنا بعيش عليها طول السنة، بدفع حوالي 40% ضرائب، والباقي لما بجيب بدلة مش أقل من 100 ألف جنيه لما أروح مسلسل أجيب 10 بدل و10 بنطلونات ما دي فلوس لما أخد ولادي وأطلع في مكان هتضطر أقعد في مكان خاص، النجومية ليها تمن هو طبعا مبلغ كبير هو بيتصرف على أعباء الشغلانة، أنا بدفع الضرائب وبدفع الزكاة، أنا فلوسي مش ليا لأسرتي بنعيش كويس جدا وبنسافر برا مصر، الفنان عشان يحوش لازم يبقى عنده بيزنس".

يذكر أن ياسر جلال عرض له مؤخرا مسلسل "للعدالة وجه آخر".

المسلسل من تأليف عمرو الدالي وإخراج محمد عبد الرازق "مورو"، ويقوم بالبطولة ياسر جلال في دور فؤاد السرجاني، إلى جانب أروى جودة، محمد علاء، نور إيهاب، ومينا نبيل.