ريم الزاهد

الجمعة، 07 أبريل 2017 - 04:43 م

ردت الفنانة إيمي سالم، علي مهاجمي الفنانة حورية فرغلي، بعد أن ظهرت مع الإعلامي عمرو أديب في برنامجه »كل يوم»‬، بشكل مختلف عن ما ظهرت به في أول مشوارها الفني.

بدأ البعض في السخرية من فرغلي، في شكلها وطريقة حديثها، مما جعل إيمي سالم تُصبح مستاءة مما سمعته عن زميلة لها في الوسط الفني وجعلها ترد بقوة علي من هاجموها علي صفحتها الرسمية علي موقع التواصل الاجتماعي »‬فيسبوك»، قائلة :" بعد ما شفت كم مش طبيعي من الهري و الشتيمة و التريقة علي حورية فرغلي و حوارها مع عمرو أديب، وعلي فكرة أنا معرفهاش شخصيا.. بس اعرف كتير عنها، هو إحنا جرا لنا أيه ؟؟، و لا خلاص ما بقاش عندنا مشاكل".

وأضافت سالم موضحة في رسالتها :" واحدة اتمرمططت عمليات وأتاخد عظم من جمجمتها، و من ضلعها و منخيرها أتدمرت بسبب حادثة مش عشان هي غاوية تجميل، و شالت الرحم يعني مش هتخلف، وعاشت سنتين بتتحرك بكانيولا في أيدها و برضو مش سايبنها في حالها .. هي الرحمة انعدمت قوي كده".
وأختتمت سالم رسالتها :" ربنا يقويكي يا حوريه و لا يهمك من فيروس تفاهات الفراغ اللي صاب ٩٠٪‏ من الناس، وربنا يكرمك قوي، أخذتي حسنات كتير في ال ٤٨ ساعة الي فاته.. أعوذ بالله من النفوس اللي مش بترحم".