مي كساب عن غادة عبد الرازق :" من أجدع وأنضف الشخصيات اللي عرفتها"

فن وثقافة

غادة عبد الرازق

بعد "لايف انستجرام"..

مي كساب عن غادة عبد الرازق :" من أجدع وأنضف الشخصيات اللي عرفتها"

ريم الزاهد

الأربعاء، 05 يوليه 2017 - 05:30 م

دافعت الفنانة مي كساب، عن الفنانة غادة عبد الرازق، بعد فيديو "لايف انستجرام" بمنشور طويل على صفحتها الرسمية على موقع التواصل الاجتماعي »انستجرام«، الذي أنتشر لها على «السوشيال ميديا»، الذي ظهرت فيه بشكل فاضح من غرفة نومها في جزيرة المالديف حيث كانت تقضي إجازة عيد الفطر.

نشرت كساب على صفحتها الرسمية على «انستجرام»، صورة لغادة عبد الرازق وأبنتها روتانا، معلقة عليها بـ :" "أنا عمري في حياتي ما با قول غير الحق أبويا رباني علي كده ودي شهادة حق وواجب عليه لازم اعمله، أنا بقالي 17 سنه بشتغل في المهنة دي مثلت تقريبا مع كل الوسط الفني، غادة عبد الرازق من اجدع وأنضف الشخصيات اللي ممكن تشتغل معها ست جدعه وأم حنينه جدا لبنتها الطيارة المحترمة روتانا قزاز".

وأضافت كساب :" أنا اشتغلت معاها فيلم طول الوقت كانت حنينه وجدعه معايا ومع غيري بتحب شغلها بتحترم الصغير والكبير وفوق كل ده طبعا دي موهبة عظيمه وكبيره أستاذه وأنا شاهده أنها مش بتعرف تنام غير لما تاخد دوا فعلا وناس كتير عارفه تأثير الدوا المهدئ ده أيه اعتذارك حاجه كبيره ومحترمه منك ودموعك غالية جدا ما تضايقيش نفسك ربنا غفور رحيم وهو ارحم من البشر بكتير وكل إنسان بيفهم ويري بعينه هو وأنا عن نفسي صدقتك وفخورة بيكي ربنا يخليكي لبنتك وأحفادك وكل اللي بيحبوكي".

وأشارت كساب :" أنا مش عارفه ليه نوصل إنسان انه يبكي بالشكل ده قدام ناس كتير و يبان مكسور كده من الفضيحة، إحنا للأسف بننصب المحاكم لغلطات الناس و ننسي نفسنا، بل بالعكس بنعصم نفسنا من الخطأ بغض النظر عن رأيك فيها، بغض النظر عن رأيي في اللي حصل و من غير ما نحاسب و نحرم و نكفر، دي ممثله قعدت سنين كثير تقدم أعمال حلوه و ناس كتير حبتها ( حتى لو أنت مش منهم) أه ممكن نعترض علي الغلط بس مش بغلط اكبر، ممكن ننصح بس مش في العلن، خلينا نأخذ الآية كاملة، مش نأخذ نص الكلام بس، ربنا برضو غفور رحيم و ديننا دين أخلاق، ومعامله قبل أي حاجه، استروا بعض يا جماعه ربنا يستر علينا و يعفينا و يرحمنا من أي خطأ.

أنهت كساب منشورها بـ :" من ستر مسلماً ستره الله في الدنيا والآخرة، ومن فك عن مكروب كربة فك الله عز وجل عنه كربة من كرب يوم القيامة، ومن كان في حاجة أخيه كان الله في حاجته".