الثلاثاء، 30 يناير 2018 - 02:20 م

نشر أحد المرشدين السياحيين على صفحته الخاصة على موقع التواصل الاجتماعي «فيسبوك»، صور وفيديو لشخص يقوم ببيع «الكشري»على حجارة الأهرامات، وناشد د.خالد العناني وزير الآثار اتخاذ قرارا في الأمر، ومنعه حفاظاً على ما تبقى من وقار منطقة الأهرامات أمام السائحين. 

جاء نص المنشور كالآتي :" السيد وزير الآثار د. خالد العناني .. الفيديو الأول مدته ٦ ثواني فقط لواحد معه ٣٠٠ علبة كشري، غير الدقة و الليمون و الشطة و التقلية و قاعد يبيع علي حجارة الهرم، و الناس بتاكل و ترمي العلب فاضية .. طبعا مش هتشوف كل ده ف الفيديو بس هتسمع كلمة كشري واضحة.. أنا اضطريت أقفل الكاميرا عشان الراجل كان خد باله إني بصوره".

الفيديو الثاني شارح نفسه.. حضرتك مشكورا أتفرج و قولي رأيك لو سألك خواجة أيه اللي بيحصل ده؟؟ يا تري هاترد تقوله إيه كمرشد زميل قبل ما تكون وزير فاضل". 

وأضاف :" الصور الموجودة تعبر عن جزء من الواقع يا سيادة الوزير، لكن الواقع نفسه أسوأ بكثير مما تتخيل، أهم منطقة أثرية في العالم، والعجيبة الوحيدة اللي لسه باقية علي مر الزمن يتعمل فيها كدة". 

وعدل بعد ذلك على منشوره قائلاً:" شير يا ناس .. الشير بتاعكم إمبارح حقق الغرض .. و تم منع الجمالة من التواجد نهائيا أمام منطقة دخول الهرم والشرطة مشكورة سيطرت علي المكان، والكلام ده أنا شوفته بعيني النهاردة .. المدخل نظيف وجميل و مفيش بلطجية .. يالا شير .. عشان ننظف الهرم من جوه.. البركة فيكم".