الثلاثاء، 03 يوليه 2018 - 11:24 م

فتحت ابنة المطرب علي الحجار، النار على الفنان محمد رمضان، إذ نشرت مقطع فيديو لمحمد رمضان عبر صفحتها الشخصية بموقع «فيس بوك»، وهو يتحدث عن خلافه مع والدها علي الحجار في بداياته الفنية.

وعلقت مشيرة الحجار، على الفيديو قائلة: «البرنامج ده قديم، والقصة دي حكاها رمضان كذا مرة في برامج، وكل مرة يغير فيها تفصيلة بسيطة، وأبويا عمره ما رد، وكان شايف إن الموضوع مش مستاهل يترد عليه، وأنا الصراحة مستغربة جدًا هو إزاي بيحكيها بثقة أوي كده وجاب الخيال ده منين؟!»، على حد تعبيرها.

وأضافت: «أنا قررت دلوقتي إني أقول القصة الحقيقية لأن أبويا يستاهل ده، وده حق ربنا، وهيشهد على كلامي أخويا أحمد، لأنه كان له دور رئيسي في المسرحية، غير أن المسرحية ليها أبطال ومخرج عارفين الحقيقة».

واستكملت ابنة علي الحجار حديثها: «الحقيقة أن المخرج اختلف مع محمود عزب، أحد الأبطال، خلاف شخصي، فقرر يفاجئ الفنانين أنه جاب رمضان يوم واحد، علي الحجار شاف إن عزب ما يستحقش كده بعد تعبه في 6 شهور بروفات، وقال لرمضان وقتها أنت ملكش علاقة بالموضوع خالص، وكان حيادي جدًا»، على حد قولها.

ونفت ما قاله محمد رمضان، إن والدها تعرض له بالضرب من قبل الحراس الشخصيين، إذ قالت: «فقرة الناس اللي كتفوه وضربوه دي ما حصلتش، ولا عمر أبويا أصلا كان عنده بودي جارد».

وكان محمد رمضان قد ذكر في برنامج «واحد من الناس» عن غضب علي الحجار منه بسبب هدية تلقاها أثناء عرض المسرحية، لترد ابنة الحجار قائلة: «موضوع القلم الألماظ عليه علامات استفهام كتير».

واختتمت حديثها قائلة: «جو المعاناة اللي رمضان عايش فيه ده وإن الناس افترت عليه، وهو صامد كالجبل رخيص أوي، والكدبة إن دلت على حاجة فهي تدل على شخصية صاحبها، إحنا في زمن الكذب والافتراء شيء عادي جدًا»، حسب قولها.