السبت، 22 ديسمبر 2018 - 02:13 م

يُحيي الموسيقار عمر خيرت، حفلتين متتاليتين يومي 25 و26 ديسمبر الجاري، بجامعة القاهرة، بمناسبة مرور 110 عاما على إنشاء الجامعة.

وقال رئيس جامعة القاهرة، د. محمد عثمان الخشت، عبر صفحته الشخصية بموقع التواصل الاجتماعي «فيس بوك»:  «عاوز أقولكم إني وقت لما كنت طالب زيكم كنت بذاكر كويس جدا وبلعب كويس جدا، ولم يكن هناك تعارض بين المذاكرة واللعب، وكان اللعب يجدد نشاطي وبيعمل restart لذهني».

وتابع : «كنت بلاقي أن استيعابي بقى أفضل، والضغط العصبي بقى أقل، خاصة أن الضغط العصبي بيزيد عليك لو كنت تنافس على المركز الأول على الدفعة».

واستكمل الخشت حديثه للطلاب :«ايه رأيكم تجربوا تعملوا زي ما كنت بعمل، وتعملوا Restart بحفلتين ورا بعض للموسيقار عمر خيرت واللي يحضر واحدة لا يحضر الأخرى عشان يعطي فرصة لبقية زملائه ، وطبعا الحفلتان مجاني ، ولو حد باع التذاكر على القسم على طول».

وتابع الخشت:"طبعا أنا عارف إن في ناس هيقول شايفين اهو رئيس الجامعة كان بيلعب، ودول أنا عارفهم كويس أوي، اللعيبة اللي مبيذاكروش غير آخر السنة، ودول إن شاء الله سوف أحولهم مكتب، ونوع هيقول احنا هنذاكر فقط، لكن أنا بقولكم جربوا تذاكروا وتريحوا شوية بموسيقى عمر خيرت ونشوف النتيجة هتبقى إيه، عشان احنا دلوقتي بنغير طريقة التفكير وماشين بمبدأ الإدارة بالنتائج وصواب أي فكرة بنتائجها على أرض الواقع".