الثلاثاء، 18 فبراير 2020 - 05:37 م

فتح الكينج محمد منير قلبه في حوار خاص مع عمرو طاهر.

ورصدت "بوابة أخبار اليوم"، أهم تصريحاته وجاءت كالأتي.

1- الغنا شيء صنعه ربنا عشان كده أنا مخترتش حاجة أجمل من الغنا علشان أقدر أحب نفسي وأقدر أستمر في الحياة.

2- يوم وفاة أمي الله يرحمها نسيت نفسي وغنيت، معرفش غنيت إيه، بس تداركت في لحظة إن أنا في حالة حزن، معرفش أغني، توقفت عن الغنا.

3- الإنسان لا يعشق غير الفرحة، والفرحة مبتجيش إلا بالغنا.

4- أنا واحد من الفنانين اللي قدروا يوصلوا حنجرتهم لأي جنسية عربية.

5- مبعرفش أغني أغنية أنا مش مؤمن بيها، فكل الأغاني اللي أنا غنيتها يا غنيتها لنفسي يا غنيتها للآخرين.

6- أنا العربي الوحيد الحاصل على 3 أسطوانات بلاتينية، واحدة دهب، معتقدش إن حد على أرض العالم العربي حصل عليها.

7- مافيش حد مبيحبش الغنا، وربنا إداني موهبة.

8-  أنا مبسمعش لأغنية النهاردة لأنها، مقدرش أقول عليها هابطة، لإن مفيش في الفن والأغنية حاجة اسمها هابط.

9-  أنا النهارده بسمع أغاني يعني ممكن تقول عليها فاضية من جوه، لكن مفيهاش حاجة.

10- الغنا اللي كان في سنة 1918 كان بالشكل بتاع النهارده، لكن ربنا عمره ما بيسيب مصر».