عمرو السولية
ابنة السولية تتعرض لهجوم بسبب ملابسها.. واللاعب: سأتقدم ببلاغات للنائب العام
السبت، 11 يوليه 2020 - 03:54 م
تعرضت الطفلة ليلى، نجلة عمرو السولية، لاعب النادي الأهلي، إلى هجوم بسبب ملابسها من عدد من متابعي اللاعب على موقع انستجرام، والتي زعموا أن «ملابسها غير محترمة» على الرغم من أن الطفلة تبلغ من العمر 3 سنوات ونصف.
وهاجم عمرو السولية بعض التعليقات مؤكدا أنه سيتقدم ببلاغات ضدهم، قائلا: «ليلى بنتي عندها ٣ سنين و نص (لسه قالعة البامبرز من كام شهر) الكلام ده بيتقال على طفلة !! ايه اللي يخلى (بني آدم) خنزير ممكن يبص على لبس طفلة ويركز غير أنه فعلاً خنزير ؟! ايه المرض ده !».
وأضاف السولية: «دول اللي لما بيكبروا بيكونوا مغتصبين ومتحرشين واللي بنخاف على بناتنا وأهلنا ينزلوا الشارع عشان ميتعرضوش لأذاهم، اتمنى الشيوخ اللي بيبرروا للتحرش و لبس البنت يكونوا مبسوطين دلوقتى و هما شايفين اللي بيحصل».
وتابع: «قررت اتقدم ببلاغات لأصحاب الكومنتات دى عشان اللي زى دول مينفعش يكبروا وسطنا قررت احمي بناتي اللي لسه مشافوش الدنيا وللأسف خايف عليهم يشوفوا كمية القرف و الاشمئزاز ده».
يذكر أن عمرو السولية نشر عبر حسابه الرسمي على موقع التواصل الاجتماعي انستجرام صورا جديدة برفقة ابنته ليلى معلقه عليها :"كل شيء بالنسبالي".
الكلمات الدالة
الاخبار المرتبطة