السبت، 29 أغسطس 2020 - 10:55 ص

خرج الفنان سعد الصغير، عن صمته واحرج السيناريست مدحت العدل، أمام الملايين على السوشيال ميديا.

وجاء غضب سعد الصغير، بعد أن تنمر عليه مدحت العدل، عبر "تويتر"، بسبب نادي الزمالك والأهلي، وكتب فيها: "الجمهور اللي منه نجيب محفوظ واحمد زويل ومجدي يعقوب ومثقفي وفناني مصر، مش حيعرفوا فاوست.. وصاحب اغنية "بحبك يا حمار" سعد الصغير مشجع أحد الأندية العربية حيعرفه يا امه ضحكت من جهلها الأمم".

وحرص سعد الصغير، على الرد على صفحته الرسمية على "فيسبوك"، بفيديو صغير وهو يطلق كلمات من العيار الثقيل، ليعطي درسا السيناريست مدحت العدل.

وقال الصغير، انت عاوز تعمل فتنه ولا ايه ؟ عاوز اقولك حاجه يا دكتور انت مبتعرفش حاجه اصلا في الكورة، انت عارف لعيبة الزمالك وبس، انت راجل بتاع افلام ومعاك فلوس ملكش دعوة بقي بالناس الغلابة، متخبطش في الغلابه، دكتور ايه انت دكتور دلوقتي؟ لما مش عاوز الناس الغلابة كلها تشجع الاهلي، قولي دكتور في ايه؟ هات سيرة فريقك وبس متجبش سيرة النادي الاهلي.

وأضاف الصغير، ما تيجي نعمل افيهات علي بعض احسن، انا اقولك لو كنتوا نسيتوا انا مش هنسي، 6/1 في شهر خمسه وانت ترد عليا بمداعبه ولا متعرفش تعمل مداعبه؟ طب اقولك علي حاجه نص فريق الزمالك انا اللي عاملهم فرحهم وبيحبوني .. انت دكتور وانا دبلوم لكن ابويا علمني، انت اتعلمت بالورقة والقلم حاول تتعلم باللسان.

وانهالت التعليقات على سعد الصغير، من الجمهور بعد نشر الفيديو، وقال أحدهم انت ابن ناس وآخر انت طيب يا سعد، وقال آخر يسلم اللي رباك.